Saltar navegación

Avaliemos

Reflexión sobre "O códice de Malaquías" e a vida monacal

Malaquías vivía no mosteiro de Santo Estevo de Ribas de Sil, unha das xoias artísticas da Ribeira Sacra. Na actualidade este edificio perdeu a súa identidade e converteuse nun Parador Nacional.

Por sorte, ao longo de todo o territorio galego contamos con ducias de mosteiros e máis dun parador nacional, dignos de visitar. Recomendámosvos ler o artigo da Wikipedia sobre mosteiros en Galicia e que indaguedes cales son os mosteiros máis próximos a onde vivides.

Tamén vos recomendamos buscar o Parador Nacional máis próximo ao voso instituto. Seguro que vos sorprende o resultado!

Edificios históricos, conservados ao longo do territorio español, convertidos en hoteis de luxo e xestionados pola empresa pública "Paradores de Turismo de España SA."

A ducia de mosteiros galegos que, sen dúbida, deberiades coñecer...

Os mosteiros repártense por toda a xeografía galega, mais destacan especialmente:

1.- O mosteiro de San Clodio (Leiro, Ourense). Na actualidade un hotel.

2.- O mosteiro de Santa María de Sobrado dos Monxes (A Coruña), que podedes visitar se facedes o Camiño de Santiago.

3.- O mosteiro de San Salvador de Vilanova de Lourenzá (Lugo). Alberga o concello da vila.

4.- O mosteiro de Oia (Pontevedra). Os seus monxes defenderon as costas atlánticas do ataque turco en 1624. Na actualidade, en proceso de recuperación.

5.- O mosteiro de Santa Cristina de Ribas de Sil (Parada de Sil, Ourense). Podedes visitar a súa igrexa románica.

6.- O mosteiro de San Lourenzo de Carboeiro (Silleda, Pontevedra). As súas ruínas, xunto ao río Deza, son visitables. Non esquezades visitar a fervenza do Toxa.

7.- O mosteiro de Santo Estevo de Ribas de Sil (Nogueira de Ramuín, Ourense). Na actualidade é un Parador Nacional.

8.- O mosteiro de Santa María a Real de Oseira (San Cristovo de Cea, Ourense). Coñecido, popularmente, como o Escorial galego. Na actualidade é un albergue-hospedaría.

9.- O mosteiro de San Xulián de Samos (Lugo).  Unha xoia do camiño de Santiago, que conta con hospedaría e unha fermosa biblioteca.

10.- O mosteiro de San Martín Pinario (Santiago de Compostela). Fronte á fachada de Acibecharía da catedral.

11.- O mosteiro de San Xoán de Caaveiro (Fragas do Eume. A Capela, A Coruña). Nas súas proximidades tamén poderedes visitar o Mosteiro de Monfero.

12.- O mosteiro de San Pedro de Rocas (Esgos, Ourense). Escavado nas rochas, xunto coas tumbas dos eremitas que o habitaron.

Xa vedes que están moi repartidos. Seguro que atoparedes algún preto da casa para facer unha excursión e coñecer este interesante patrimonio.

Como complemento: Mosteiros e conventos galegos na Wikipedia

Valoramos o traballo final: Rúbrica do alumnado

Rúbrica para avaliar o traballo en equipo
 4 Excelente3 Satisfactorio2 Mellorable1 Insuficiente
Participación e colaboraciónTodos os membros do equipo participaron activamente nas tarefas propostas e colaboraron axudando aos demais. (4)A meirande parte dos membros do equipo participou activamente nas tarefas propostas e colaboraron axudando aos demais. (3)A metade dos membros do equipo participou activamente nas tarefas propostas e colaboraron axudándose entre si. (2)Só un membro do equipo (ou ningún) participou de forma activa nas tarefas propostas e non houbo colaboración nin axuda entre eles. (1)
Distribución das tarefasAs tarefas repartíronse de xeito equitativo entre todos os membros do equipo. (4)A meirande parte das tarefas repartíronse de xeito equitativo entre todos os membros do equipo. (3)Só a metade das tarefas repartiuse de xeito equitativo entre todos os membros do equipo. (2)Houbo un reparto moi desigual das tarefas entre os diferentes membros do equipo. (1)
Integración entre os membros do equipoDurante a realización de todas as tarefas, os membros do equipo expresaron libremente as súas opinións e puntos de vista, escoitaron as opinións dos demais e foron capaces de chegar a un consenso. (4)Durante a realización da meirande parte das tarefas, os membros do equipo expresaron as súas opinións con liberdade, escoitaron aos demais e foron capaces de chegar a un consenso. (3)Durante a realización das tarefas, só a metade dos membros do equipo expresou libremente as súas opinións, escoitou as dos demais e lograron poñerse de acordo. (2)Durante a realización das tarefas, só un membro do equipo expresou a súa opinión, non houbo diálogo e impúxose a opinión dunha soa persoa. (1)
Asunción de funcións e responsabilidadesTodos os membros do equipo exerceron moi ben as súas funcións e cumpriron á perfección as súas responsabilidades. (4)A meirande parte dos membros do equipo exerceu as súas funcións e cumpriu coas súas responsabilidades. (3)Só a metade dos compoñentes do equipo exerceu ben as súas funcións e cumpriu coas súas responsabilidades. (2)Só un membro do equipo (ou ningún) exerceu ben as súas funcións e cumpriu coas súas responsabilidades. (1)
Uso do vocabulario histórico-artísticoO alumno ou a alumna emprega o vocabulario específico de arte de xeito preciso e axeitado ao longo da exposición (4)O alumno ou alumna utiliza o vocabulario artístico de xeito preciso na meirande parte da exposición, mais ocasionalmente comete erros ou emprega termos incorrectos. (3)O alumno ou alumna utiliza o vocabulario de arte de xeito parcialmente preciso, mais comete erros ou emprega palabras incorrectas en varios momentos da exposición. (2)A alumna ou alumno utiliza de xeito limitado o vocabulario artístico e comete erros ou emprega termos incorrectos na meirande parte dos casos. (1)

CEDEC. Rúbrica para avaliar o traballo en equipo (CC BY-SA)

  • Actividade
  • Nome
  • Data
  • Puntuación
  • Notas
  • Reiniciar
  • Imprimir
  • Aplicar
  • Nova xanela

Rúbrica de coavaliación

Rúbrica de coavaliación do REA "A Europa feudal e A arte románica, gótica e islámica.... pois "Existe unha luminosa Idade Media"
 4 Excelente3 Moi ben2 Ben1 Necesita mellorar
Participación e colaboraciónParticipei activamente no desenvolvemento da parte da que me responsabilicei e colaborei cos compañeiros e compañeiras. (4)Desenvolvín as tarefas do proxecto das que me responsabilicei ao comezo do proxecto e colaborei, algunha vez, cos compañeiros e compañeiras. (3)Desenvolvín as tarefas do proxecto das que me responsabilicei ao comezo do proxecto, mais non colaborei co resto do grupo. (2)Non conseguín desenvolver todas as tarefas da miña responsabilidade, polo que tiveron que desenvolvelas os meus compañeiros e compañeiras (1)
Distribución das tarefasParticipei activamente no reparto das tarefas e respectei, en todo momento, as decisións dos compañeiros e compañeiras. (4)Participei no reparto das tarefas e respectei, a meirande parte das veces, as decisións dos compañeiros e compañeiras. (3)Participei no reparto das tarefas mais, non sempre, respectei as decisións dos compañeiros e compañeiras. (2)Participei algo no reparto das tarefas e, poucas veces, respectei as decisión dos compañeiros e compañeiras. (1)
InvestigaciónColaborei sempre na procura da información, para a elaboración do traballo de grupo, investigando nas redes; consultando os fondos da biblioteca do centro e as existentes no noso concello. Este traballo o desenvolvín sempre de forma coordinada con eles. (4)Colaborei bastante na procura da información, para a elaboración do traballo de grupo, investigando nas redes; consultando os fondos da biblioteca do centro e as existentes no noso concello. Este traballo o desenvolvín sempre de forma coordinada con eles. (3)Colaborei algo na procura da información, para a elaboración do traballo de grupo, investigando nas redes; consultando os fondos da biblioteca do centro, pois a investigación debe limitarse ao espazo escolar. Este traballo o desenvolvín case sempre de forma coordinada coas miñas compañeiras e compañeiros. (2)Colaborei algo na procura da información, para a elaboración do traballo de grupo, investigando nas redes; consultando os fondos da biblioteca do centro, pois a investigación debe limitarse ao espazo escolar. Este traballo o desenvolvín de forma pouca coordinada coas miñas compañeiras e compañeiros. (1)
Utilización de programas informáticosPara a elaboración do códice, procurei investigar e preguntar as miñas dúbidas, ao profesor ou profesora, para o uso correcto dos programas precisos, buscando solucións coordinadas co grupo. (4)Para a elaboración do códice procurei investigar e preguntar as miñas dúbidas, ao profesor ou profesora, para o uso correcto dos programas precisos, mais dun xeito individual. (3)Para a elaboración do códice só preciso a información de internet para resolver as miñas dúbidas. (2)O uso destes programas resúltame moi difícil de entender e prefiro que os usen os meus compañeiros e compañeiras. (1)
Creatividade e deseñoO noso traballo é moi orixinal, pois deseñamos o códice con moitos detalles, información e imaxes. Tamén deseñamos a encadernación. (4)O noso traballo é bastante orixinal, pois deseñamos o códice con bastantes detalles, información e imaxes. Tamén o encadernamos. (3)O noso traballo é pouco orixinal, pois deseñamos o códice con suficientes detalles, información e imaxes. Non o encadernamos. (2)O noso traballo non é nada orixinal, pois copiamos modelos de códices, con poucos detalles, información e imaxes. Non o encadernamos. (1)
Difusión do traballoColaborei activamente na presentación do noso traballo e na súa difusión, ensinando aos nosos compañeiros a encadernar. (4)Colaborei bastante na presentación do noso traballo e na súa difusión, , ensinando aos nosos compañeiros a encadernar. (3)Colaborei suficiente na presentación do noso traballo e na súa difusión, mais non ensinamos aos nosos compañeiros a encadernar. (2)Colaborei pouco na presentación do noso traballo e na súa difusión. (1)
Calidade final do traballoO resultado foi un traballo moi bo, polo aprendido, pola implicación do grupo e pola valoración positiva das persoas que o consultaron. (4)O resultado foi un traballo bastante bo, polo aprendido, pola implicación do grupo e pola valoración bastante positiva das persoas que o consultaron. (3)O resultado foi un traballo algo bo, polo aprendido, pola implicación do grupo e polo reducido interese das persoas que o consultaron. (2)O resultado foi un traballo pouco positivo, polo aprendido, pola implicación do grupo e polo escaso interese das persoas que o consultaron. (1)

CEDEC. Rúbrica de coavaliación do REA "A Europa feudal e A arte románica, gótica e islámica.... pois "Existe unha luminosa Idade Media" (CC BY-SA)

  • Actividade
  • Nome
  • Data
  • Puntuación
  • Notas
  • Reiniciar
  • Imprimir
  • Aplicar
  • Nova xanela

Reflexión final

Como reflexión final, é importante poñer en valor o noso patrimonio. A Península Ibérica é un territorio cheo de riqueza artística e cultural, dunha gran diversidade, que deberiamos coñecer para entender o noso presente, a través dos restos do noso pasado e defender o seu futuro.

Lembrade que esas viaxes tamén son posibles dende os fondos das nosas bibliotecas escolares! Achegádevos a elas para coñecer de primeira man toda esta interesante historia, coma a do noso "extraviado" monxe Malaquías.

Valorade cos vosos compañeiros e compañeiras a importancia de conservar todo ese patrimonio e de respectalo.

Feito con eXeLearning (Nova xanela)