Unha Alta Idade Media moi diversa!
Chegados a este punto do recurso, xa sabemos que a historia da Península Ibérica, na Alta Idade Media, non foi tan escura como se adoita pensar.
Foi un período de transición do mundo clásico ao mundo medieval, do final do grande Imperio Romano ao mundo feudal. É unha etapa de importantes transformacións sociais, políticas, económicas e culturais da Europa Occidental.
Lembrade que esta etapa iníciase en dous bloques culturais: a monarquía visigoda (dos séculos V ao VIII) e o Al-Ándalus omeia, dende principios do século VIII a principios do século XI. Dende o século VIII conviviran dúas realidades culturais-relixiosas na Península: Os Reinos cristiáns do Norte e os Estados musulmáns do Sur. Ambas as culturas conviviron, en momentos pacificamente e noutros enfrontados, no proceso chamado "Reconquista".
Repasemos un pouco o aprendido, co visionado deste vídeo "Visigodos e musulmáns", resolvendo as cuestións formuladas.
- A chegada, polo norte, dos pobos bárbaros á península. Si, aqueles que vivían no limes romano e que causaron a súa destrución!
- A chegada, polo sur, dos árabes. Non había quen parara na península con tanta actividade bélica!
- A arte islámica e a súa importancia na península.
- As características xerais da Alta Idade Media.
Xa lle demos unha volta a todo o contido do recurso, verdade?
Parabéns se fuches quen de resolver todas as cuestións!
