O primeiro que faremos é, na tapa da caixa, recortar un rectángulo un pouco máis pequeno que unha folla de papel DIN A4 (un centímetro menos por cada lado aproximadamente).

A continuación, nun só dos lados longos da caixa de cartón, e cara á parte de abaixo (a contraria á abertura), recortaremos dous orificios polos que poidan pasar os tubos de cartón do filme transparente. 

Noutro lado longo, pero por dentro, pregaremos con silicona quente dous dos tapóns de plástico. Serán o soporte onde se opoie e viren os tubos de cartón.

Na parte que sobresaen os tubos da caixa, pregaremos con silicona quente as outras dúas tapas de plástico, que farán de mandos cos que xiraremos os tubos que formarán o pergamiño (base do conto enrolable). Se os tubos sobresaen moito, poden cortarse un pouco.

Na tapa, por dentro, pegaremos as tiras de madeira como na imaxe, que farán de guía do papel.

Cortaremos tiras longas de papel continuo coas medida do ancho do folio, asegurándonos de que pasa polas guías de madeira que colocamos na tapa da caixa. Podemos facer varias tiras e unilas con pegamento de barra ou cinta adhesiva.

Podemos empezar a debuxar o noso contido do conto enrolable, asegurándonos de que cada “escena” está separada da seguinte, ocupando o tamaño da abertura que lle fixemos á caixa, para asegurarnos que as transicións sexan fluídas.

Unha vez decorado o conto enrolable, podemos proceder á súa montaxe: primeiro, pegarémolo nun dos tubos de cartón; logo, pasarémolo polas guías de madeira da tapa; e, finalmente, pegarémolo no outro tubo, procedendo así a enrolalo.