Definición:
Relacionado co movemento.
Exemplo:
María é unha persoa moi dinámica, nunca para quieta.
Definición:
Que está formado por elementos moi diferentes.
Exemplo:
O mestre mandounos formar grupos heteroxéneos de estudantes con distintas habilidades.
Definición:
Correspondente a algo que é verdade.
Exemplo:
A xuíza debe comprobar a veracidade da testemuña.
Na educación sexual, igual que acontece no conto de Pinocho, hai moitas cousas que non son verdade. Neste apartado irémolas desmontando unha a unha, para iso precisamos da túa axuda.
A continuación, realizarás unha actividade en grupo seguindo a técnica 1-2-4.
⇨ O teu mestre ou a túa mestra organizaravos en grupos heteroxéneos e faredes unha chuvia de ideas en relación ás preguntas anteriores.
⇨ Individualmente, cada un/ha de vós, tentará dar resposta a algunha delas.
⇨ Despois diso, poñerás en común as ideas coa parella que teñas ao teu carón dentro do equipo, dando a vosa opinión sobre a veracidade da idea do voso compañeiro ou compañeira.
⇨ A continuación, repetirás a posta en común pero coa túa parella de en fronte.
⇨ Finalmente, elixirase a un alumno ou a unha alumna de cada grupo como portavoz para que expoña as ideas xurdidas nos diferentes equipos.
Seguro que algunha vez escoitaches algún dos seguintes mitos pero, parácheste a pensar se son todos verdade? A continuación imos descubrilo facendo unha actividade moi dinámica.
O teu mestre ou mestra lerá en voz alta cada un dos mitos e terás que moverte segundo consideres ese mito verdade ou mentira. Así pois, unha parede da aula será o lado no que te deberás situar para cando cres que é verdade, e o outro, para cando pensas que é mentira.
A mulleres teñen a menstruación durante toda a vida.
Os homes non teñen cambios hormonais durante a puberdade.
Cando se ten a regra non te podes duchar.
Se unha muller ten a regra, non pode quedar embarazada.
Os homes teñen unha cantidade infinita de espermatozoides.
A acne aparece porque non se ten unha boa hixiene facial.
Os e as adolescentes sempre están de mal humor.
Tes que cambiar a túa personalidade para encaixar coas demais persoas.
Durante o embarazo, a muller ten que comer por dous.
A duración do parto é a mesma para todas as mulleres.
Seguro que algunha vez escoitaches algún destes mitos,
pero, son todos verdade?
Comproba facendo esta actividade.
O mestre ou mestra lerá cada mito en voz alta.
Móvete cara ao lado da aula que indique se cres que é verdade ou mentira.
A mulleres teñen a menstruación durante toda a vida.
Os homes non teñen cambios hormonais durante a puberdade.
Cando se ten a regra non te podes duchar.
Se unha muller ten a regra, non pode quedar embarazada.
Os homes teñen unha cantidade infinita de espermatozoides.
A acne aparece porque non se ten unha boa hixiene facial.
Os e as adolescentes sempre están de mal humor.
Tes que cambiar a túa personalidade para encaixar coas demais persoas.
Durante o embarazo, a muller ten que comer por dous.
A duración do parto é a mesma para todas as mulleres.
Licenciado baixo a Licenza Creative Commons Atribución Non-comercial Compartir igual 4.0