Saltar navegación

1.1. Historia de Pinocho

 

Glosario

Anónimo

Pictograma que representa unha persoa descoñecida.

Definición:

Texto escrito de autor descoñecido.

Exemplo:

O libro de Frankenstein ou o moderno prometeo foi nun principio de autor anónimo. A súa autora, Mary Shelley, escribiu nunha época na que as mulleres tiñan moi difícil que a súa autoría fose recoñecida.

Boneco

Pictograma que representa un boneco e unhas pilas.

Definición:

Xoguete con forma de neno ou nena que, en ocasións, pode levar pilas para reproducir algún son ou movemento.

Exemplo:

Os nenos xogan a darlle de comer aos bonecos.

Engurra

Pictograma que representa unhas mans dobrando un papel de xeito irregular.

Definición:

Dobrar de forma irregular un obxecto flexible coma un papel ou unha tea.

Exemplo:

Xoán engurrou a camisa ao estar deitado no sofá.

Un neno de madeira

Seguro que coñeces a historia de Pinocho e como, a partir dun anaco de madeira, Geppetto creou unha marioneta que, coa axuda da Fada Azul, se converteu nun neno de carne e óso cando pasou a proba: demostrar que era xeneroso, obediente e sincero.

Tal vez nunca pensaches, ou si, que pasou con Pinocho a partir dese momento. 

Imaxina alguén da túa idade preguntándose se todos os compañeiros e compañeiras foron antes bonecos de madeira e se tiveran que pasar a proba para converterse en persoas de verdade. Ou en caso contrario, de non ser así, de onde veñen os nenos e as nenas?

Lectura facilitada

Seguro que coñeces a historia de Pinocho.
Geppetto fixo unha marioneta cun anaco de madeira.
A Fada Azul axudou a Pinocho a converterse nun neno de verdade.
Pero para iso tivo que demostrar tres cousas:

  • ser xeneroso,
  • ser obediente,
  • e dicir sempre a verdade.

Agora pensa:
Que pasou con Pinocho despois de ser neno de carne e óso?

Imaxina que alguén da túa idade se pregunta:
"De onde veñen realmente os nenos e as nenas?”

O espello no que nos temos que mirar

No vídeo vemos que Geppetto lle di a Pinocho que non cambiaría nada del porque lle gusta tal e como é. Esas cousas que nos gustan dos demais e que non cambiaríamos por nada son o noso "superpoder" e todos temos algún. 

Imaxe dun anaco de papel sobre o que se escribe unha nota.

Chega o momento de facer unha actividade en grupo. Reúnete cos teus compañeiros e compañeiras e formade un círculo. A vosa mestra ou mestre entregaravos un anaco de papel (post-it) a cada un/ha de vós. Aí deberás escribir o que destacarías como o teu "superpoder" e outro "superpoder" que admires dalgún compañeiro ou compañeira da clase. É moi importante que ese papel sexa totalmente anónimo.

Engurra o papel e lánzao ao centro do círculo. Cando chegue a túa quenda, colle un e, sen saber quen o escribiu, le en alto o que pon. Logo pegarás ese papel no mural "O espello no que nos temos que mirar".

Lectura facilitada

No vídeo, Geppetto dille a Pinocho que lle gusta tal e como é.
Iso que nos gusta dos demais é como un superpoder.
Todos temos un superpoder.

Agora imos facer unha actividade:

  1. Sentádevos todos en círculo.
  2. O mestre ou a mestra dará a cada un/unha un papel.
  3. Escribe no papel:
    • O teu superpoder.
    • Un superpoder que vexas noutro compañeiro ou compañeira.
      (Non poñas o teu nome).
  4. Dobras o papel e lánzao ao centro.
  5. Cando che toque, colle un papel ao azar.
  6. Le o que pon.
  7. Pega ese papel no mural chamado “O espello no que nos miramos”.

Feito con eXeLearning (Nova xanela)