Glosario
Branle
Definición:
Baile tradicional francés con orixe no século XVI. É moi alegre e ten diferentes pasos e movementos. Pode ser bailado en círculo ou en liña.
Exemplo:
Bailaremos un branle tomando como base o Rondel VI de Tielman Susato.
Danza
Definición:
Forma de arte onde as persoas expresan sentimentos e emocións a través do movemento do corpo ao ritmo da música. Pode haber moitos tipos de danza, como bailes tradicionais ou bailes modernos. É unha maneira divertida de compartir emocións e celebrar xuntos.
Exemplo:
O branle e o minueto son danzas de orixe francés.
Devanceiro/a
Definición:
Persoas da mesma familia que viviron nun tempo anterior.
Exemplo:
O teu bisavó é un dos teus devanceiros.
Forte
Definición:
Termo musical que indica que a execución debe ser máis forte, destacando na intensidade sonora da peza musical. A súa abreviatura é f.
Exemplo:
A orquestra interpretou a parte a da partitura cunha intensidade forte.
Fortissimo
Definición:
Termo musical que indica que a execución debe ser máis intensa que forte, destacando especialmente na potencia sonora da peza musical. A súa abreviatura é ff.
Exemplo:
Debes tocar os primeiros catro compases forte e os seguintes catro fortissimo.
Minueto
Definición:
Elegante baile de salón que se desenvolveu en Francia no século XVII. Ten un ritmo moderado e estrutúrase en tres tempos. Inicialmente, era bailado en parella con movementos graciosos e refinados.
Exemplo:
O minueto é unha danza que ten a súa orixe en Francia no século XVII.
Piano
Definición:
Termo musical que indica que a execución debe ser máis suave e delicada, contribuíndo á mellor comprensión e expresividade da peza musical. A súa abreviatura é p.
Exemplo:
Se quero tocar unha peza co xilófono e que soe piano debo percutir moi suave.
Pianissimo
Definición:
Termo musical que indica que a execución debe ser silenciosa e delicada, contribuíndo á expresividade e ao carácter da peza musical. A súa abreviatura é pp.
Exemplo:
Para interpretar un pasaxe musical con intensidade pianissimo debe soar aínda máis débil que se é piano.
Século
Definición:
Período de cen anos.
Exemplo:
O branle é unha danza que ten orixe no século XVI.
Nesta viaxe apaixonante por outras épocas pasadas, aprenderás:
