O menú control acolle os bloques propios das estruturas condicionais e repetitivas. Tamén temos outros bloques, como os de fixar inicio, agardar, agardar ata, deter, crear clon de, cando comece como clon e borrar este clon.
Podemos consultar os menús destes bloques, ou tipo de bloques, e o que contén cada un premendo no apartado correspondente.
Estruturas condicionais
Nun programa con condicionais determinamos o fluxo de datos en función do cumprimento ou non dunha determinada requisito (condición). A condición cumprirase (verdadeiro) ou non (falso).
Os condicionais cos que traballamos en Scratch son o SE … ENTÓN … (If … then …); e o SE … ENTÓN … SENÓN … (If … then … else …).
- Condicional simple: SE ... ENTÓN ... (If ... then ...)
-
. Bloque Scratch Se..entón... (CC BY-SA) Ao cumprirse a condición, (verdadeira), execútase o bloque ou a secuencia que rodea o bloque condicional. Se non se cumpre (falso), continúa o programa.
- Condicional dobre: SE ... ENTÓN ... SENÓN ... (If ... then ... else ...)
-
. Bloque Scratch Se..entón...senón... (CC BY-SA) Agora, ao cumprirse a condición, (verdadeira), execútase o bloque ou a secuencia que rodea o bloque condicional, debaixo de se … entón. Se non se cumpre (falso), execútase o bloque ou secuencia que rodea o condicional, debaixo de senón.
- Condicional múltiple
-
Para conseguir un condicional múltiple aniñamos varios condicionais dobres en cascada como amosa o vídeo.
Estruturas repetitivas
Nas estruturas repetitivas ou iteractivas existe un bucle que obriga a repetir unha acción ou unha secuencia. A repetición realízase un número determinado de veces, sempre ou ata que se cumpra unha determinada condición que estipulamos.
- Repetir
-
. Bloque repetir de Scratch (CC BY-SA) O bloque coa instrución repetir executará unha e outra vez a secuencia de accións que incluímos nel ata chegar ao número de veces que especificamos.
- Para sempre
-
. Bloque para sempre (CC BY-SA) O bloque coa instrución para sempre reproduce indefinidamente a secuencia que contén.
- Repetir ata
-
. Bloque repetir ata que (CC BY-SA) Repetir ata que establece unha condición que de cumprirse realizaríase o bucle de repetición
Outros elementos de control
O menú control, ademais dos bloques propios das estruturas de control e repetitivas ten outros bloques, como os de fixar inicio, agardar, agardar ata, deter, crear clon de, cando comece como clon e borrar este clon.
Premer a continuación para ver a lista completa.
