Saltar navegación

4.10.- Algúns exemplos

Podemos facer moitas cousas diferentes con Scratch. O bo que ten esta ferramenta é a sinxeleza e a gradación. Podemos crear proxectos facilmente con pouco que saibamos, e recursos máis complexos segundo coñezamos mellor as súas posibilidades. Os proxectos de arranque que ofrece a páxina de Scratch son os ideais para analizar. Son proxectos que están deseñados para que entremos neles e realicemos todas as probas que precisemos. Como di a páxina de Scratch “proba estes proxectos de arranque creados polo equipo Scratch. Foza neles para facer cambios e probar as túas ideas. “

Acceso a proxectos de arranque en Scratch: https://scratch.mit.edu/starter_projects/

Exemplos incribles

A páxina seguinte ofrece unha serie de proxectos Scratch seleccionados pola súa complexidade. É moi interesante para ver ata onde podemos chegar con Scratch

Os proxectos están seleccionados segundo os seguintes criterios:

  • Programación sorprendente e complexa
  • Deseño e arte realmente excepcionais
  • Idea (s) orixinal e / ou innovadora (s)

(En inglés)

"Scratch - Incredible projects", [En liña]. Dispoñible: https://scratch.mit.edu/studios/201826/