Damos os primeiros pasos en Scratch, comezando por rexistrarnos na plataforma web e descargando o programa se o desexamos. Seguiremos coñecendo a contorna da aplicación e finalmente os elementos básicos do programa.
- Rexistro na plataforma Scratch
-
(Premer ► para avanzar na presentación)
. Rexistro en Scratch (CC BY-SA) - Descarga de Scratch
-
Vídeo: Descarga de Scratch en Windows
[Edwin O. en Youtube. Descargar Scratch 2 y guardar proyecto en la web. Licenza estándar de YouTube]
Vídeo: Instalación de Scratch dende o centro de software de Ubuntu
[Tecprog World en Youtube. Instalar Scratch desde el Centro de Software de Ubuntu. Licenza estándar de YouTube]
- A contorna Scratch
-
Vídeo: A contorna Scratch
- Os bloques
-
A programación en Scratch realízase mediante os seus bloques. A forma, cor e demais características dos bloques determinarán a utilidade dos mesmos e a compatibilidade entre eles, como vemos nesta presentación. (Premer ► para avanzar na presentación).
. Características dos bloques (CC BY-SA) - Os elementos fundamentais de Scratch
-
Vemos a continuación algúns dos elementos básicos de Scratch.
Escenario
Área na que aparecen os obxectos, fondos e demais. Ten unhas dimensións de 480x360 píxeles. O seu punto central é o de coordenadas (0,0), polo que a coordenada x pode ir dende -240 ata 240; e a coordenada y dende -180 ata 180.
[Manuel Torres Búa a partir de Scratch. Escenario de Scratch. (CC BY SA)]
Script
Un script é unha colección ou unha pila de bloques que se entrelazan entre si. Está asociado a un obxecto.
[Manuel Torres Búa a partir de Scratch. Scripts. (CC BY SA)]
Obxecto, figura ou sprite
Os obxectos, figuras ou sprites son os elementos que programamos individualmente. Podemos obtelos dende a biblioteca de obxectos de Scratch, creándoos coa ferramenta de debuxo, cargando un ficheiro de imaxe ou tomando unha foto a través da cámara do computador.
[Manuel Torres Búa a partir de Scratch. Obxectos ou figuras. (CC BY SA)]
Vestimentas ou traxes
Son as diferentes formas nas que podemos presentar as figuras ou obxectos. Son como diferentes posibilidades ou aparicións alternativas dos mesmos. Pódense nomear, editar, crear e eliminar, pero cada figura debe ter polo menos unha. Pode ser un cambio de posición (para crear unha animación de movemento, por exemplo), cambio de cor, de características, de textos,…
Cando iniciamos un proxecto aparece a figura do gato con dúas posibles vestimentas: costume 1 e costume 2.
[Manuel Torres Búa a partir de Scratch. Vestimentas. (CC BY SA)]
Podemos ver este pequeno titorial en vídeo que explica como sacarlle proveito ao editor de imaxes de Scratch para facer novos disfraces ou modificar os que xa temos, creado por Código Octopus.
[Código Octopus. Edición de imaxes en Scratch. (CC BY SA)]
Fondos
Son as imaxes que aparecen no fondo do escenario. Pódense extraer das imaxes propias de Scartch ou importar outras imaxes externas. O escenario pode cambiar o seu aspecto a calquera dos seus fondos. Poden ser nomeados, editados, creados e eliminados, pero debe haber sempre polo menos un fondo de pantalla.
[Manuel Torres Búa a partir de Scratch. Fondos. (CC BY SA)]
Bandeira verde
A Bandeira Verde é unha función de programación que, ao facer clic, iniciará todas as secuencias de comandos dese proxecto que aparecen co bloque. Máis simplemente, este bloque inicia o proxecto. Para parar a execución premeremos no botón stop.
[Manuel Torres Búa a partir de Scratch. Bandeira verde. (CC BY SA)]
Son
Dispoñemos dunha pestana específica para traballar os sons dun proxecto Scratch. Temos un menú son cun grupo de bloques que permiten introducir arquivos de son no programa. Pódense importar directamente e xestionar a súa reprodución.
Os sons aparecerán na pestana son onde podemos incorporar arquivos do banco de sons que ten Scratch, ou importar ou gravar novos arquivos.
Podemos ademais incorporar notas musicais e diferentes instrumentos, xestionando o tempo co que se reproducen.
[Manuel Torres Búa a partir de Scratch. Son. (CC BY SA)]
Temos un exemplo do emprego de instrumentos en Scratch a continuación. Máis abaixo podemos acudir ao proxecto e ver como está programado.
Comentarios
Os comentarios no programa Scratch son caixas de texto axustables que poden ser anexadas a bloques ou quedar flotantes. As caixas de comentarios poden axustarse tanto horizontalmente como verticalmente, arrastrándoas ao redor da área de scripts e borradas. Serven para axudar a interpretar a programación, aclarar certos aspectos ou recordar outros para o momento no que se revise o programa.
[Manuel Torres Búa a partir de Scratch. Comentarios. (CC BY SA)]
Bloques personalizados
Os bloques personalizados permiten que cada usuario cree os seus propios bloques de programación. Noutros idiomas de programación, os bloques personalizados denomínanse procedementos, funcións ou métodos. Crear un bloque personalizado pode ser útil para reutilizar unha secuencia de bloques en diferentes partes do código, sen duplicar os bloques de cada uso.
[Manuel Torres Búa a partir de Scratch. Bloques personalizados. (CC BY SA)]
Proxecto
Un proxecto é unha creación realizada no programa Scratch. Un proxecto pode ser sobre calquera cousa, desde música ata animacións, arte, xogos e simulacións.
[Manuel Torres Búa a partir de Scratch. Proxectos. (CC BY SA)]
Estudo
Un estudo é un conxunto de proxectos que teñen algunha característica en común.
[Manuel Torres Búa a partir de Scratch. Estudos. (CC BY SA)]
Mochila
A mochila é unha característica do editor de proxectos Scratch que permite aos usuarios arrastrar e soltar vestimentas, figuras, sons e scripts doutros proxectos e arrastralos e soltalos facilmente no seu proxecto. Isto pódese usar para crear varias copias dun script ou engadir un script a un proxecto diferente. Aparece na parte inferior da área de programación.
Jonathan Schaffer en Scratch Wiki. Backpack. (CC BY SA)
