Existen na actualidade moitas aplicacións, plataformas ou ferramentas que permiten programar con bloques. Destacamos algunha polo seu interese para nós. Profundaremos nunha delas, quizais a máis entendida agora mesmo: Scratch. Pero o manexo de Scratch vai ser moi similar ao de outras ferramentas de programación visual, polo que será fácil pasar dunha a outra.
É unha sinxela aplicación libre que permite a programación básica mediante bloques, (ten a posibilidade tamén de facelo con Phyton e Javascript). O escritorio de programación reflicte o programa nos movementos dunha figura con forma de ra. É posible conseguir tamén un pequeno kit de robótica: a ra física. Podemos probar a aplicación co seu editor en liña:
Acceso ao editor en liña: http://www.codebug.org.uk/create/codebug/new/
Tamén se pode descargar no ordenador. Neste simpático vídeo ensínannos a programar con CodeBug esta ra.
MikelTube. Aprendemos a programar un codebug. Licencia de YouTube estándar
Acceso á páxina de Code Bug: http://www.codebug.org.uk/
Bitbloq é unha linguaxe de programación mediante bloques da empresa BQ. Está pensada para o ámbito educativo e centrada en aprender os conceptos básicos de programación, como as variables, bucles ou os condicionais para crear pequenos experimentos e robots. Compleméntase co ZUM, kit de robótica de BQ, pero é compatible con calquera placa da familia Arduino UNO.
BQ ofrece ademais moito material de formación para aprender o programa. Ten, por exemplo, un curso de Bitloq, tamén en vídeo. O vídeo seguinte é a presentación deste curso e do programa.
BQ Educación España. Curso Bitbloq Presentación - Aprende a programar con Bitbloq 2. Licencia de YouTube estándar.
Pódese descargar de balde na seguinte ligazón
Acceso á páxina de descarga: http://bitbloq.bq.com/#/howitworks
Ou probalo en liña
Acceso ao editor Bitloq en liña: http://bitbloq.bq.com/#/bloqsproject
Snap! é unha ferramenta de programación visual como Scratch, nacida a partir deste mediante un desenvolvemento realizado pola Universidade de Berkeley . Engade a todo o bo que ten Scratch novas funcionalidades que converten esta ferramenta nunha aplicación con moitas máis posibilidades, sen perder a facilidade de uso. Vemos o seu interface no seguinte vídeo de Programamos.
Programamos. Introducción a la interfaz de Snap!. Licencia de YouTube estándar.
Ligazón á páxina de Snap!: http://snap.berkeley.edu/
Esta aplicación é o software da empresa LEGO para os seus equipos de robótica LEGO® MINDSTORMS® EV3. É unha interface de programación, intuitiva e baseada en iconas. O software funciona con PC/MAC, pero ofrecen tamén unha app para programar cunha tableta (app EV3 Programmer).
Este vídeo explica como crear o primeiro programa para o equipo de robótica.
Mariana Ramirez. 1. Tutorial del ambiente del software de programación de EV3 MINDSTORM. Licencia de YouTube estándar
Acceso á páxina de LEGO® MINDSTORMS® EV3: https://www.lego.com/es-es/mindstorms/learn-to-program
Scratch é unha linguaxe de programación onde podemos crear historias interactivas, xogos e animacións e compartir as nosas creacións con outras persoas en todo o mundo na súa comunidade en liña. É un proxecto gratuíto do Grupo Kindergarten do laboratorio de medios MIT. Está deseñado especialmente para idades entre os 8 e os 16 anos, pero é usado por persoas de todas as idades. Millóns de persoas están creando proxectos en Scratch.
O uso de Scratch, contido xerado polo usuario e materiais de soporte, están baixo a licenza Creative Commons Attribution-ShareAlike 2.0.
(Os Logotipos inseridos son propiedade das marcas correspondentes. A información elaborouse a partir dos contidos das páxinas web oficiais dos diferentes recursos)
Licenciado baixo a Licenza Creative Commons Recoñecemento Compartir igual 4.0