CONSTRUCIÓN DE FIGURAS SEMELLANTES POR HOMOTECIA

Tomamos un punto O calquera. Trazamos rectas que pasen por O e polos puntos que mellor definan a figura. Tomamos a medida de O a cada un deses puntos e levámola (desde O) tantas veces como nos indique a razón de semellanza sobre as rectas correspondentes Os puntos obtidos serán os homólogos dos elixidos na figura orixinal. Unindo eses puntos obteremos a figura buscada.

As figuras obtidas deste xeito chámanse figuras homotéticas e o punto O centro de homotecia. Fíxate que todos os segmentos son paralelos aos seus homólogos.