FIGURAS SEMELLANATES

Dicimos que dúas figuras F e F' son semellantes se se diferenzan únicamente no tamaño.

Nunha relación de semellanza, dicimos que dous puntos A e A' son homólogos se o punto A ocupa na figura F a mesma posición relativa que o punto A' na figura F'.

Da mesma maneira, dicimos que os segmentos AB e A'B' son homólogos se ocupan a mesma posición relativa nas figuras F e F respectivamente.

Nunha relación de semellanza, o cociente entre calquera segmento e o seu homólogo chámase razón de semellanza. É dicir, a razón de semellanza é a razón de dous segmentos homólogos.