6. Glosario

A

• Asteroide

Corpo rochoso, de menor tamaño que un planeta, que orbita arredor do Sol entre as órbitas de Marte e Xúpiter.

• Astro

Calquera corpo celeste: estrela, planeta, satélite, ...

C

• Cometa

Corpo celeste formado por xeo e rochas que se move arredor do Sol describindo órbitas moi elípticas.

• Conexión

Contacto entre dúas partes dun sistema. En informática, medio polo que se establece comunicación entre dous equipamentos informáticos.

F

• Ficheiro

En informática, lugar virtual no que se garda información (texto, imaxe, etc.).

• Fusión nuclear

Proceso mediante o que se unen dous núcleos de dous átomos liberando moita enerxía. Nas estrelas únense dous núcleos de hidróxeno para formar núcleos de helio.

I

• Icona

Símbolo que identifica un elemento informático: ficheiro, cartafol, aplicación, ...

O

• Órbita

Curva pechada descrita por todo astro que gravita arredor doutro.

P

• Planeta

Astro con movemento independente pero sen luz propia. Xira arredor dunha estrela.

• Planeta anano

É unha nova categoría de planetas que reúne aqueles que non limparon a veciñanza da súa órbita doutros corpos celestes.

S

• Satélite

Astro que xira arredor dun planeta.

Z

• Zodíaco

Franxa imaxinaria do firmamento na que semellan moverse o Sol, a Lúa e os planetas. Divídese en doce partes e a cada unha delas correspóndelle unha das doce constelacións que o forman.