2.2.2 O teclado e o rato

O teclado

Coñecer o teclado é importante, xa que nos permitirá acudir sen perder tempo á tecla adecuada en cada momento. Cada un debe perder algo de tempo co seu teclado ou co teclado que traballe habitualmente. Distinga as teclas numéricas das alfanuméricas, as teclas de movemento do apuntador, as teclas de control de páxinas, as teclas de función, etc.

Teclas de función
Teclas de control de páxina		Teclas de movemento do apuntador
Teclado alfanumérico

O rato

É o dispositivo que nos permite comunicarnos co computador. Comprobará que na maior parte dos casos ten un botón esquerdo, un dereito e unha roda no medio.

• O botón esquerdo serve para:

–      Seleccionar obxectos, elixir opcións e marcar ou desmarcar cadriños, facendo clic.

–      Editar e executar aplicacións, como abrir documentos ou debuxos, cun dobre clic.

–      Mover, copiar e estender a selección de textos e obxectos, arrastrando.

• O botón dereito serve para activar o menú despregable que amosa as tarefas que se poden realizar nese momento sobre o obxecto seleccionado.
• A roda serve para desprazarnos polos contidos da pantalla sen necesidade de usarmos as barras de desprazamento.

O apuntador

O apuntador do rato pode ter diferentes aspectos segundo a acción que se poida realizar. Amosaremos algunha delas:

É a súa posición habitual			Modificar a dimensión horizontal do obxecto
Permite obter axuda			Modificar o tamaño e manter as proporcións
Indica que está a traballar en segundo plano			Permite mover o obxecto
Cómpre esperar a que remate o proceso			Pódese introducir texto
Modificar a dimensión vertical do obxecto