2.3 España no escenario internacional

Desde comezos da transición á democracia, a diplomacia española intentou normalizar as relacións con todos os países, tratando de superar as limitacións do réxime franquista e buscando participar de maneira activa nas institucións internacionais.

Os gobernos da UCD buscaron un consenso cos partidos da oposición na política exterior, que tiña como obxectivos:

• Establecemento de relacións diplomáticas con todos os países do mundo.

• Integración na Comunidade Económica Europea.

• Desenvolvemento de relacións de amizade e de cooperación con Estados Unidos.

• Apertura dun debate parlamentario para integrarse na OTAN.

• Restauración da integridade territorial no caso de Xibraltar.

• A revisión do concordato coa Santa Sede.