1.1 Descrición da unidade didáctica

Logo de rematado o estudo desta unidade, deberá ser quen de:

• Comprender os conceptos elementais da ciencia política.

• Identificar os principios e institucións básicos do sistema democrático.

• Diferenciar os estados democráticos das ditaduras.

• Valorar a democracia como o sistema político que mellor responde á nosa dignidade como persoas.

• Recoñecer os impostos como a contribución da cidadanía aos gastos e investimentos públicos.

• Coñecer as etapas da transición democrática española.

• Distinguir as persoas que, xunto coa grande masa social, foron protagonistas dos cambios dese período e responsables de estabilizar o réxime democrático.

• Comprender os pasos seguidos e os instrumentos utilizados para rematar co réxime franquista e instaurar un réxime de liberdades democráticas.

• Coñecer os principais obstáculos que se interpuxeron no camiño cara á democracia.

• Recoñecer os principios fundamentais da Constitución de 1978.

• Identificar e coñecer os dereitos, os deberes e as liberdades fundamentais que recoñecen a Constitución española e o Estatuto de autonomía de Galicia.

• Analizar a construción e consolidación do Estado das Autonomías.

• Coñecer o proceso de ingreso de España na Comunidade Económica Europea.

• Analizar a traxectoria política dos gobernos do PSOE entre 1982 e 1996.

• Comparar as accións políticas das dúas lexislaturas do Partido Popular (1996-2004).