2.3.3. Actividades: España internacional

• • a) Porque cando se asinou o Tratado de Roma, en 1957, España tiña un réxime ditatorial.
  • b) A implantación dun sistema político plenamente democrático e a adaptación da produción agraria e pesqueira á comunitaria.

• • a) Establecer relacións diplomáticas con todos os países do mundo, integrarse na Comunidade Económica Europea, desenvolver relacións de cooperación cos Estados Unidos, abrir un debate parlamentario para se integrar na OTAN, restaurar a integridade territorial (Xibraltar) e revisar o concordato coa Santa Sede.
  • b) Normalizar as relacións con todos os países, superar as limitacións do réxime franquista e participar activamente nas institucións internacionais.

a) Recibíronse axudas económicas dos fondos estruturais para modernizar todos os sectores económicos e as infraestruturas; incrementouse a renda per cápita máis de 30 puntos porcentuais; creáronse unha media de 300.000 empregos anuais; o 90 % dos investimentos que recibe España do exterior procede da Unión Europea

b) Resultado da indagación.

• • Beneficios: modernización do sector pesqueiro polos fondos do IFOP, incremento do comercio, aumento dos investimentos, elevación do PIB per cápita, mellora das infraestruturas, creación de emprego e posibilidade de estudar no estranxeiro.
  • Desvantaxes: limitación da produción de leite, restricións á pesca nos caladoiros comunitarios, reconversión do sector da construción naval, incremento do déficit da balanza comercial.

• • a) É unha área xeográfica que comprende territorios de dous Estados diferentes da UE: Galicia e Norte de Portugal, con seis millóns de habitantes repartidos nunha superficie de 50.000 km².
  • b) Cooperar, coa axuda da UE, para elevar o seu nivel de desenvolvemento, mellorar as súas infraestruturas e facela competitiva no mercado internacional globalizado.