Teoría cinética e atómica da materia

Unidade didáctica 3 para o módulo 3 do ámbito científico-tecnolóxico da Educación Secundaria de Adultos, na modalidade de educación a distancia semipresencial. Elaborada en eXeLearning.
Nesta unidade didáctica trátanse os fundamentos para comprender o comportamento da materia tanto na física como na química. Afóndase no modelo cinético coa introdución da idea da existencia dos átomos e unha breve indicación histórica, ata chegar ao modelo atómico actualmente aceptado; e descríbense os mecanismos que seguen os átomos para unírense entre eles, para dar lugar aos tipos de enlace iónico, covalente e metálico, e as propiedades xerais das substancias que os presentan.