4.1. IMPRESSionando

Preparádevos para IMPRESSionar

Duración: 6 sesións Agrupamento: Pequeno grupo

Chegou o momento de abordar o reto. Xa sabedes que criterios ten que cumprir unha presentación atractiva e eficaz, vexamos polo miúdo as tarefas que cómpre realizar para elaborala:

O primeiro que faredes é planificar a estrutura que vai ter a vosa presentación, é dicir, facer un guión cos principais apartados. Se non sabedes o que queredes contar, é difícil que poidades escoller ben a información que precisades buscar ou a orde das diapositivas. Disporedes de 1/2 sesión.
A continuación, faredes unha repartición do traballo. Hai distintas tarefas que realizar: facer e gravar a entrevista; completar o resto da investigación; deseñar a portada e as diapositivas... Teredes 1/2 sesión.
Finalmente, elaboraredes a presentación en LibreOffice Impress. Disporedes de 5 sesións.

Os seguintes apartados serviranvos de referencia. Adiante!

Lectura facilitada

Duración: 6 sesións Agrupamento: Pequeno grupo

Chegou o momento de abordar o reto.

Coñecedes que criterios ten que cumprir unha presentación atractiva e eficaz.

Vexamos as tarefas necesarias para elaborala:

O primeiro que faredes é planificar a estrutura da vosa presentación:
- Facer un guión cos principais apartados.
- Teredes media sesión.
A continuación, faredes unha repartición do traballo.
- Hai distintas tarefas que realizar: facer e gravar a entrevista, completar o resto da investigación, deseñar a portada e as diapositivas...
- Teredes media sesión.
Ao final, elaboraredes a presentación en LibreOffice Impress en 5 sesións.

Os seguintes apartados serviranvos de axuda.

Adiante!

Audio

Contidos

Vós decidides o nivel que queredes para a vosa presentación:

Pictograma dun dedo gordo apuntando cara arriba

Portada: que sexa atractiva.
Índice de contidos.
Unha entrevista: en formato son ou vídeo.
Recursos multimedia: como mínimo 3 imaxes e un ficheiro de son ou vídeo para a entrevista.
Efectos de animación e transición: para destacar elementos dunha diapositiva ou cambio dela.
Repartición do traballo: na penúltima diapositiva.
Créditos: para recoller as vosas fontes de información, na derradeira diapositiva.

Pictograma dunha medalla de ouro

Elementos multimedia: podedes engadir táboas, gráficas e ficheiros de son ou vídeo, ademais do contido mínimo.
Reflexión: podedes engadir unha comparativa na que analicedes os cambios producidos no eido do voso grupo. Que cambios vos parecen indispensables? Credes que algunha cousa empeorou?

Audio

Como repartir as tarefas?

Este é un exemplo dunha táboa coa repartición de tarefas para elaborar unha presentación. Podedes empregala como modelo para facer a vosa. Non teñen que coincidir exactamente as tarefas, nin ser unha repartición igual, pero tratade de que o volume de traballo que asume cada compoñente do grupo sexa equilibrado.

Exemplo de táboa sobre repartición de tarefas
Tarefa	Nome estudante 1	Nome estudante 2	Nome estudante 3
Elaboración do guión	x	x	x
Realización da entrevista	x
Busca de información sobre o eido		x
Deseño da portada			x
Elaboración do índice	x
Inserción de elementos multimedia	x
Atribución das imaxes		x
Inserción de animacións e transicións		x	x
Elaboración de elementos adicionais (gráficas, táboas...)	x		x
Maquetaxe individual das diapositivas		x	x
Outra (engadir tantas filas como sexa necesario)

Lectura facilitada

Para facer a presentación, teredes que repartir tarefas.

Podedes facer unha táboa para escribir o reparto.

A continuación tedes un exemplo.

Podes empregar este exemplo como modelo.

Facede un reparto equilibrado.

Exemplo de táboa sobre repartición de tarefas
Tarefa	Nome estudante 1	Nome estudante 2	Nome estudante 3
Elaboración do guión	x	x	x
Realización da entrevista	x
Busca de información sobre o eido		x
Deseño da portada			x
Elaboración do índice	x
Inserción de elementos multimedia	x
Atribución das imaxes		x
Inserción de animacións e transicións		x	x
Elaboración de elementos adicionais (gráficas, táboas...)	x		x
Maquetaxe individual das diapositivas		x	x
Outra (engadir tantas filas como sexa necesario)

Audio

Consellos para a elaboración

No apartado 3.5 da Fase 3 xa escollestes un estilo, tipografía e paleta de cor para a vosa presentación. Agora tedes que deseñar cada diapositiva seguindo o voso guión, tendo en conta se leva elementos multimedia ou non, xa que varía o repartimento do espazo. Nas seguintes imaxes podes ver un exemplo da variación de distribución entre unha diapositiva que só ten texto e outra que ademais ten unha imaxe.

O aspecto visual importa, polo que debedes ter en conta o contraste entre o fondo e as letras e tamén cos elementos multimedia. O tamaño de letra ten que ser axeitado para que se vexa ben, tanto o título como o contido. Lembrade os consellos que vistes nos adestramentos da Fase 3: dar prioridade a imaxes sobre texto, limitar a cantidade de texto, indicar ideas que logo se expoñen (non se escribe na diapositiva a exposición) etc.

Na imaxe seguinte hai unha diapositiva igual a unha das anteriores cun mal contraste entre o fondo e o pé de texto. Procurade non facer o mesmo.

Lectura facilitada

No apartado 3.5 da Fase 3 xa escollestes un estilo para a vosa presentación.

Tamén escollestes o tipo de letra e as cores de fondo e texto.

Agora tedes que deseñar cada diapositiva.

Para iso seguiredes o voso guión.

Planificade os elementos multimedia para axustalos ao espazo dispoñible.

Nas seguintes imaxes podes ver dous exemplos de distribución de espazo:

Un nunha diapositiva que só ten texto.
Outro nunha diapositiva que ademais ten unha imaxe.

Debedes ter en conta o contraste entre o fondo e as letras.

Iso facilita o aspecto visual.

Tamén debedes ter en conta os elementos multimedia.

O tamaño de letra ten que ser axeitado para que se vexa ben, tanto o título como o contido.

Na imaxe seguinte hai unha diapositiva igual a unha das anteriores cun mal contraste entre o fondo e o pé de texto.

Evitade este tipo de erros.

Audio

Licenciado baixo a Licenza Creative Commons Atribución Non-comercial Compartir igual 4.0