É un documento deseñado con ferramentas informáticas para ser proxectado ante o público con axuda dun proxector ou pantalla dixital.
Exemplo:
Os documentos que emprega o profesorado para facilitar as explicacións nas clases ou os documentos elaborados polo alumnado para expoñer traballos.
Rigorosa
Definición:
Realizada con toda a exactitude e perfección posibles.
Exemplo:
Unha presentación rigorosa presenta datos obtidos de fontes fiables e que están contrastados.
Pasado non tan pasado
Xa coñeces o reto, tes claro o teu grupo de traballo e o ámbito da vida cotiá no que vos ides centrar. É o momento de comezar a recompilar material para que a vosa presentación sexa creativa, rigorosa e visualmente atractiva.
Bota a vista atrás... pero, polo de agora, só o necesario para identificar o que xa sabes e pode resultarche útil para acadar o reto. Ten en conta que, para dar forma á túa creación, precisarás seleccionar e integrar recursos dixitais que a enriquezan e reforcen a súa mensaxe.
Lembras que tipos de recursos dixitais podes utilizar?
Recordas en que formatos adoitan presentarse e que posibilidades ofrece cada un deles?
Sabes manexalos, editalos e darlles contido propio?
Ao longo desta fase repasarás todo isto e darás os primeiros pasos cara á consecución do reto.
Todo listo para abrir a porta ao pasado?
Lectura facilitada
Xa sabes cal é o reto.
Coñeces o teu grupo de traballo.
Escolliches o eido da presentación.
Agora tes que recompilar material para que a presentación sexa:
Creativa.
Rigorosa.
Visualmente atractiva.
Debes seleccionar e integrar recursos dixitais.
Estes axudaranche a mellorar a presentación:
Lembras que recursos dixitais podes utilizar?
Recordas en que formatos se presentan e que posibilidades ofrece cada un deles?
Sabes manexalos, editalos e darlles contido propio?
Ao longo desta fase repasarás todo isto.
Tamén darás os primeiros pasos cara á consecución do reto.
