Antes de iniciarnos na resolución do noso reto, debemos ir coñecendo os escenarios dos riscos ambientais -tanto naturais como antrópicos (de orixe humano)- e como afectan ao ser humano; que tipos de riscos hai, como as actividades humanas tamén afectan ao propio ser humano, e que tipo de materias primas e enerxías podemos explotar, así como as alternativas verdes coas que contamos. Para isto, percorreremos os seguintes apartados para ir recadando información de gran valor para a resolución do reto.

Para que todo salga segundo o noso plan, imos seguir os  seguintes pasos:

• Coñecer os riscos naturais e os riscos antrópicos máis comúns no noso planeta, e as súas consecuencias.
• Identificar os principais escenarios onde se produce a degradación do medio ambiente, e así saber como actuar no noso reto.
• Aprender as materias primas máis vitais para o noso modo de vida e a súa importancia na nosa vida cotiá.
• Valorar as paisaxes e espazos protexidos de especial valor ambiental, e concienciarnos da súa importancia e conservación.
• Medir a implicación da nosa sociedade nas cinco erres -"5R"- como maneira de paliar o cambio climático e a contaminación do medio ambiente.

Finalmente, deberemos calcular a contaminación de cada un de nós na cidade con respecto á nosa mobilidade, operar accións que poidan modificar estas rutinas contaminantes e promover actividades alternativas que melloren a contaminación e degradación da paisaxe urbana galega. Para iso, faremos:

• Planificaremos, aplicaremos e melloraremos a mobilidade e os medios de transporte asociados para resolvelo reto proposto nas súas diferentes graduacións e conseguir unha mobilidade verde e eficiente.
• Valoraremos de xeito crítico as novas medidas e propostas contra o cambio climático e si son viables ou inviables, útiles ou non.