1. Un Planeta en perigo?

Glosario

Cambio climático

Definición:: É unha variación notable nas características climáticas a nivel global, que pode ser causada tanto por factores naturais como por actividades humanas, como a modificación da composición atmosférica.
Exemplo:: O cambio climático aumenta o risco de inundacións, tormentas, secas e ondas de calor.

Dióxido de Carbono

Pictograma de Fume saíndo dunha cheminea

Definición:: É un gas que está no aire e que todos os seres vivos producen ao respirar. Tamén o botan os coches, as fábricas e ao queimar cousas como a madeira ou o carbón. As plantas necesitan o CO₂ para facer a fotosíntese e vivir, pero se hai demasiado na atmosfera, pode cambiar o clima da Terra.
Exemplo:: Hai moito dióxido de carbono saíndo das chemineas das fábricas.

ODS 2030

Iconas dos obxectivos de desenvolvemento sustentable 2030

Definición:: Os Obxectivos do Desenvolvemento Sostible (ODS) son uns acordos da ONU de 2015 que deben ser acadados en 2030 e que pretenden obter unha resposta de todo o planeta fronte á crecente pobreza, para empoderar ás mulleres e nenas, e para facer fronte á emerxencia climática.
Exemplo:: Ter en conta a nosa pegada de carbono indícanos se temos bos hábitos ecolóxicos.

Pegada de carbono

Pictograma dunha fábrica cunha cheminea fumeante

Definición:: É a medición dos gases contaminantes que agravan o efecto invernadoiro, sexan emitidos por unha persoa ou corporación.
Exemplo:: Ter en conta a nosa pegada de carbono indícanos se temos bos hábitos ecolóxicos.

Quecemento global

Definición:: É o aumento da temperatura media do planeta. Está causado, en parte, pola contaminación e polos gases que botan os coches, as fábricas e outras actividades humanas. Este quecemento pode facer que cambie o clima, que se derrita o xeo dos polos e que haxa máis secas ou chuvias fortes.
Exemplo:: O quecemento global provoca o desxeo das zonas polares.

Proposta de reto

Imaxe que mostra un planeta terra nunha man

O noso Planeta está en perigo. O incremento das emisións do Dióxido de Carbono -en diante CO2- dende a Revolución Industrial e o aumento progresivo da poboación mundial fai que cada ano a acumulación do CO2 na atmosfera sexa maior, superando as 400 párticulas por millón de volume (ppmv). Deste xeito, a esaxeración do efecto invernadoiro, fai que o clima do Planeta vólvase máis cálido, afectando a tódalas paisaxes do noso entorno.

Un dos focos de emisión máis importante son os vehículos cos que nos mevemos e que ademais, se xuntan nas nosas cidades convertíndoas en auténticas fumeiras contaminantes. Por iso, o noso reto plantea a valoración do custe ambiental que supón como se desprazan algúns dos nosos alumnos e alumnas cando van ao instituto. Porque cada día é máis importante que cada un de nós tome rutinas axeitadas para frear as emisións de CO2 na atmosfera.

A diminución das emisións contaminantes, axuda á nosa saúde e pode supor un importante aforro enerxético, contribuíndo así aos obxectivos 3, 7 e 13 dos Obxectivos de Desenvolvemento Sostible -ODS 2030-.

Seremos capaces de facelo? Imos aló!!!

Lectura facilitada

O noso Planeta está en perigo.
O aumento das emisións do Dióxido de Carbono CO2
e o incremento da poboación mundial
fai que cada ano a acumulación do Dióxido de Carbono CO2 na atmosfera sexa maior.

Este efecto invernadoiro fai que o clima do Planeta vólvase máis cálido.
Así, o efecto invernadoiro afecta ás paisaxes do Planeta.

Un dos focos de emisión de Dióxido de Carbono máis importante son os vehículos.
Os vehículos nos que nos desprazamos contaminan as cidades.

O noso reto plantea a valoración do custe ambiental que supón chegar ao instituto.

É importante que cada un de nós tomemos rutinas axeitadas
para frear as emisións de Dióxido de Carbono CO2 na atmosfera.

Reducir as emisións contaminantes axuda á nosa saúde.
Reducir as emisións contaminantes supón un importante aforro enerxético.
A redución das emisións contaminantes contribúe a acadar os Obxectivos de Desenvolvemento Sostible ODS 2030.

Seremos capaces de facelo? Imos aló!!!

Audio

Necesitas axuda?

O noso reto suporá que teñades que abordar diferentes cuestións á hora de valorar a contaminación do Planeta, o cambio climático e como afectará isto á poboación mundial.

Aquí tes algunhas ideas:

	Somos conscientes da responsabilidade dos nosos feitos coa contaminación e o cambio climático? Deberemos valorar as nosas actividades habituais e como estas poden fomentar ou paliar o quecemento global, como por exemplo, a mobilidade urbana.
	Valoraremos tamén cales son os principais escenarios de contaminación do medio. Pensabades que eses eran os máis importantes para atallar a degradación dos ecosistemas?
	Aínda que no reto abordaremos principalmente os efectos da contaminación urbana, o Planeta vese ameazado en moitos escenarios e quen sufre esta situación son tódolos seres vivos, non só as persoas.
	Ao rematar o reto, saberemos calcular a pegada de carbono das actividades humanas e tamén, valorar alternativas para reducir as emisións de gases contaminantes que afectan ao Medio Ambiente. Por último, reflexionaremos sobre si con as medidas propostas sobre mobilidade e resto de emisións é suficiente ou a poboación mundial terá que adaptarse a novas medidas máis radicais.

Lectura facilitada

O noso reto aborda:

a contaminación do Planeta,
o cambio climático e
como afecta á poboación mundial.

Aquí tes algunhas ideas:

	Somos conscientes da nosa responsabilidade coa contaminación e o cambio climático? Deberemos valorar as nosas actividades habituais e como afectan ao quecemento global. Por exemplo, valoramos o impacto sobre o medioambiente da mobilidade urbana.
	Cales son os principais escenarios de contaminación do medio. Pensabades que eran os máis importantes para atallar a degradación dos ecosistemas?
	O Planeta vese ameazado en moitos escenarios. Os seres vivos sofren esta situación.
	Ao rematar o reto, saberemos calcular a pegada de carbono das actividades humanas. Valoraremos alternativas para reducir as emisións de gases contaminantes que afectan ao Medio Ambiente. Reflexionaremos se será suficiente con reducir as emisións ou se a poboación mundial terá que adaptarse a medidas anticontaminación máis estritas.

Que ides a aprender neste reto?

No seguinte recurso aprenderás a:

Que é o cambio climático, o quecemento global e a responsabilidade do ser humano nos mesmos.
Que riscos naturais suceden na Terra e que tamén dificultan á vida as sociedades humanas.
Cales son os principais escenarios de contaminación e os riscos creados polo ser humano no noso planeta.
Cal é a nosa pegada de carbono e as alternativas que podemos levar a cabo para diminuíla.
Reflexionaremos sobre os principais perigos que poñen ao límite as especies ameazadas, ao ser humano e ao Planeta.

Audio

Licenciado baixo a Licenza Creative Commons Atribución Non-comercial Compartir igual 4.0