Preparación do material
Unha vez listo o guión e o storyboard, é hora de crear os elementos visuais que darán vida á nosa curta. Dependendo da técnica escollida (kamishibai, stop motion ou Scratch), necesitaremos debuxar, modelar ou programar as personaxes e decorados. Para os decorados podemos inspirarnos en estilos como o Art Déco, o abstracto ou o modernismo. Podemos buscar imaxes de referencia e facer debuxos de proba.
Para kamishibai
- Debuxar as escenas en cartolina ou papel con cores vivas.
- Pintar e decorar coidando os detalles e expresividade dos personaxes.
- Preparar un marco ou caixiña para presentar as imaxes.
- Ensaiar a narración da historia mentres se cambian as ilustracións.
- Gravar o relato para que sexa máis fluído e poder engadir música se así preferides.
Para stop motion
- Crear os personaxes con plastilina, papel recortado, figuras articuladas. material de refugallo...
- Construír os decorados inspirados no estilo artístico escollido.
- Usar un dispositivo axeitado para fotografar cada movemento, lembrade que os movementos deben ser pequenos para unha animación fluída.
- Editar as imaxes cunha app como Stop Motion Studio, engadindo son e efectos.
Para Scratch
- Crear ou importar imaxes para os personaxes e decorados.
- Usar bloques de programación para facer que os personaxes falen e se movan.
- Engadir efectos sonoros ou música relacionada co xénero escollido.
- Revisar os movementos e probar a animación varias veces antes de exportala.
Lectura facilitada
Toca crear os elementos visuais.
Vemos a técnica escollida (kamishibai, stop motion ou Scratch).
Lembra os estilos Art Déco, o arte abstracto ou o modernismo.
Para kamishibai
- Debuxa as escenas en cartolina ou papel.
Usa cores vivas.
- Pinta os personaxes e engade detalles.
Decóraos con coidado.
- Prepara un marco para mostrar as imaxes.
- Ensaiade a narración da historia.
- Grava o relato.
Podes engadir música despois.
Para stop motion
- Crea os personaxes.
Podes usar plastilina, papel recortado ou bonecos móbiles.
- Fai os decorados para a túa historia.
- Usa un dispositivo para fotografar os movementos dos personaxes.
- Edita as imaxes cunha aplicación que sexa fácil de usar.
Para Scratch
- Crea imaxes para os personaxes e decorados. Tamén podes importalas.
- Usa bloques de programación para mover os personaxes.
- Engade música ou sons para acompañar a historia.
- Revisa os movementos e as animacións.
- Garda o traballo cando remates todo.