Creación do guión e "storyboard"
Agora que temos unha idea clara sobre a nosa artista, é o momento de escribir a historia que contaremos. Traballaremos nun guión con diálogos e descricións, e logo plasmaremos a nosa historia en debuxos mediante o storyboard, que nos axudará a visualizar cada escena.
Definir a historia
Pensar nos momentos clave da vida da artista e como queremos contalos.
Poden ser:
- En primeira persoa, a artista é a que conta a historia
A súa infancia e primeiros pasos na arte.
Un momento destacado na súa carreira.
O seu legado e importancia na historia da arte.
- En terceira persoa, outra persoa conta a historia da artista.
Un neno ou unha nena que descobre a unha artista.
Unha personaxe que viaxa no tempo e coñece a unha pintora.
Crear un guión
Escribir os diálogos e descricións de escena. Debemos ter en conta:
Como falarán os personaxes? (Formal, informal, con emoción...)
Haberá persoa narradora ou só diálogos?
Que sentimentos queremos transmitir?
Debuxar un storyboard
Representar en viñetas cada escena principal para planificar a animación. O storyboard debe incluír:
O que pasa en cada escena.
O tipo de plano (primeiro plano, plano xeral...).
Se hai movemento de personaxes ou cambios de escena.
Lectura facilitada
Agora escribimos a historia.
Creamos un guión con diálogos e descricións.
Despois, facemos a nosa historia con debuxos no storyboard.
Definir a historia
Pensar na vida da artista.
Decidir como contar o máis importante.
- En primeira persoa (ela conta a historia).
A súa infancia e inicios na arte.
Un momento da súa carreira.
A súa importancia na historia da arte.
- En terceira persoa (alguén conta a historia).
Un neno ou unha nena.
Unha personaxe que viaxa no tempo e coñece unha pintora.
Crear un guión
Escribir os diálogos.
Describimos a escena.
Debemos ter en conta:
- Como falan os personaxes?
- Hai persoa narradora?
- Que sentimentos queremos transmitir?
Debuxar un storyboard
Debuxamos en viñetas cada escena.
O storyboard debe incluír:
- o que pasa en cada escena.
- o tipo de plano.
- se hai movemento de personaxes ou cambios de escena.