Procedemento para o cine para acadar imaxes que se moven a través de realizar secuencias de debuxos ou fotos.
Exemplo:
Creamos unha animación fermosa con máis de mil debuxos feitos a man.
Arte
Definición:
Forma de expresión pola que se crean obras de valor estético para o que se requiren certos coñecementos.
Exemplo:
O seu último cadro é unha obra de arte e está exposta no museo municipal.
Conciencia
Definición:
Saber sobre un mesmo para delimitar aspectos morais das accións e así diferenciar entre o ben e o mal.
Exemplo:
Dixo unha mentira pero non tardou nada en dicir a verdade porque a súa conciencia non o deixou.
Curtametraxe ou curta
Definición:
Un filme de pouca duración. Tamén podemos dicir curta.
Exemplo:
Fixeron unha curta con poucos recursos económicos e gañou moitos premios.
Disciplina
Definición:
Partes nas que se pode dividir unha área de estudo.
Exemplo:
Interésalle calquera disciplina artística menos a música.
Xuntas moito mellor
Ao longo da historia, o debuxo, o cine e a música foron ferramentas poderosas para contar historias, expresar emocións e dar vida á imaxinación. Cando estas tres disciplinas se unen, nace algo marabilloso: a animación!
A animación é moito máis que debuxos en movemento; é unha combinación de cores, formas, sons e ritmos que nos transportan a mundos fantásticos. Para que isto sexa posible, artistas de todo o mundo traballan con paixón, desde ilustradoras e cineastas ata músicas que crean bandas sonoras inesquecibles.
Neste camiño, moitas mulleres foron pioneiras e deixaron a súa pegada, aínda que, ás veces, as súas achegas non recibiron o recoñecemento que merecen. Sabiades que Lotte Reiniger foi unha das primeiras creadoras de cine de animación coa súa técnica de sombras chinesas? Ou que compositoras como Fanny Mendelssohn e Clara Schumann loitaron para que a súa música fose escoitada nun mundo dominado por homes? Grazas a elas e a moitas outras, hoxe temos referentes que inspiran novas xeracións de artistas.
Agora é a vosa quenda!
Este será o noso reto: combinaremos debuxo, cine e música para crear unha pequena curta de animación. Ademais, o noso reto servirá para visibilizar e pór en valor ás mulleres na historia da arte. Por iso a chamarémolo: CINEMA CON CONCIENCIA!
Exploraremos como as cores poden transmitir emocións, como o ritmo da música pode dar movemento ás imaxes e como cada detalle axuda a contar unha historia única.
Lectura facilitada
A arte ten como fin a creación de obras estéticas.
O debuxo, o cine e a música son bos para contar historias con imaxinación.
Cando estas tres disciplinas se unen nace a animación.
A animación combina:
- cores
- formas
-sons
-ritmos
Artistas de todo o mundo fan animacións.
Moitas mulleres deixaron a súa marca na historia.
Fanny Mendelssohn e Clara Schumann traballaron para que a súa música se escoite.
Anímate a participar!
O noso reto é xuntar debuxo, cine e música para facer unha curta de animación.
Ademais, queremos que se coñeza o traballo das mulleres na historia da arte
Por iso, chamaremos ao noso proxecto CINEMA CON CONCIENCIA!
Veremos que as cores poden expresar emocións.
Tamén veremos que o ritmo da música pode dar movemento ás imaxes.
Cada detalle axuda a contar unha historia única.
Audio
Elaboración propia (proxecto cREAgal) con apoio de IA, voz sintética xerada co modelo Celtia.. Apoio auditivo 1 Presentación
