A arte é unha maneira de expresar ideas, emocións e historias. Hai diferentes tipos de arte, segundo a maneira de creala e a maneira en que a sentimos. Lembrade que xa falamos das diferentes disciplinas artísticas.

- Artes plásticas e visuais: como a pintura, a escultura, a fotografía ou o debuxo.
- Artes escénicas como: o teatro, a danza e o circo, que se representan en directo.
- Artes musicais como: a composición, arranxo, interpretación e dirección de obras musicais.
- Artes literarias como: a poesía, os contos e as novelas, que transmiten historias e sentimentos con palabras.
- Artes audiovisuais como: o cine e os videoxogos, que combinan imaxes, música e historia.

Dentro de cada disciplina artística, existen distintos xéneros, que son estilos ou formas de crear. Aquí tes algúns exemplos.

Ao longo da historia, os estilos artísticos evolucionaron reflectindo as ideas, os avances e as emocións de cada época. Dende o Renacemento, coa súa busca da perfección, ata o Impresionismo, que capturaba a luz e o movemento. Cada corrente naceu como resposta ao mundo que a rodeaba. No século XX, cando Georgia O’Keeffe desenvolveu a súa obra, coexistían diferentes estilos como o Modernismo, o Art Déco, a arte Abstracta, o Surrealismo e o Expresionismo, cada un cunha visión propia da arte e da realidade.

Profundaremos nalgúns deles un pouco máis adiante.