Glosario
Banda deseñada
-
Definición:
-
Conxunto de debuxos secuenciados en varios cadros que tamén contan con texto cos que se conta algo.
-
Exemplo:
-
Podes elaborar unha historia en forma de banda deseñada.
Ampliando a mirada: dando luz ao invisible
3.2 A banda deseñada para contar historias
Banda deseñada: superartista en acción!
Unha banda deseñada ou cómic é unha forma gráfica de contar unha historia usando debuxos e texto. Cada viñeta (cadro pequeno) axuda a avanzar na narración, mesturando imaxes e palabras para facer a historia máis divertida e visual.
Empregaremos esta técnica gráfica (a banda deseñada ou cómic) para contar a historia de Georgia O'keeffe.
Organizádevos en pequeno grupo e escollede unha das seguintes opcións:
Lectura facilitada
A banda deseñada conta historias con debuxos e palabras.
Cada viñeta ten imaxes e palabras que fan a historia visual e divertida.
Usaremos o cómic para contar a vida de Georgia O'Keeffe.
Formade grupos pequenos e escollede unha destas opcións:
- Debuxar sobre a infancia de Georgia O'Keeffe.
- Facer debuxos do seu traballo en Nova York.
- Facer as súas paisaxes do deserto de Novo México.
- Preparade todo para crear o cómic.
Escolle unha destas tres opcións
É necesario que lembres ou busques información sobre a vida de Georgia O'Keeffe, destacando a importancia da súa obra. Podes axudarte dun modelo ou podes crear a banda deseñada dende cero e distribuír as viñetas, crear os textos e os debuxos para o que usarás distintos materiais e texturas.
Despois lembra e completa a información sobre a artista.
É necesario que lembres ou busques información sobre a vida de Georgia O'Keeffe para realizar os debuxos dun cómic con axuda dun modelo para o que usarás distintos materiais e texturas.
Despois lembra e completa a información sobre a artista.
É necesario que lembres ou busques información sobre a vida de Georgia O'Keeffe, destacando a importancia da súa obra, para elaborar os textos e os debuxos dun cómic con axuda dun modelo para o que usarás distintos materiais e texturas.
Despois lembra e completa a información sobre a artista.
Lectura facilitada
Opción A
Busca información sobre a vida de Georgia O'Keeffe.
Fala sobre o importante que é o seu traballo.
Fai a banda deseñada desde o principio.
Organiza as viñetas.
Escribe os textos e fai os debuxos.
Usa materiais e texturas diferentes.
Despois, completa a información sobre a artista.
Opción B
Busca información sobre a vida de Georgia O'Keeffe.
Fai os debuxos dun cómic con axuda dunha plantilla.
Usa materiais e texturas diferentes.
Despois, completa a información sobre a artista.
Opción C
Busca información sobre a vida de Georgia O'Keeffe.
Fala sobre a importancia do seu traballo.
Fai os textos e os debuxos dun cómic con axuda dunha plantilla.
Usa materiais e texturas diferentes.
Despois, completa a información sobre a artista.
Opción A: Podes crear os debuxos, o texto e tamén as viñetas
Investiga sobre Georgia O'Keeffe
Antes de comezar, busca información sobre quen foi Georgia O'Keeffe.
Descobre datos interesantes sobre a súa vida, as súas obras e por que é unha artista tan importante.
Podes buscar libros, vídeos ou páxinas web que che axuden a entender mellor o seu mundo.
Planifica o teu cómic
Pensa na historia que queres contar sobre Georgia O'Keeffe. Podes falar da súa infancia, como comezou a pintar, ou o impacto das súas obras no mundo da arte.
Inclúe a Georgia como protagonista e outros personaxes que foron importantes na súa vida.
Decide cantas viñetas terá o teu cómic e organiza os momentos clave da historia.
Podes empregar algún dos modelos descargables ou crear dende cero a túa banda deseñada. Podes escoller entre estes tres modelos (podes consultar co profesorado o xeito de cubrila):
-Modelo 1 para descargar en PDF (abre en nova xanela) e en ODP.
-Modelo 2 para descargar en PDF (abre en nova xanela) e en ODP.
-Modelo 3 para descargar en PDF (abre en nova xanela) e en ODP.
Debuxa e experimenta
Georgia O'Keeffe era unha artista que xogaba coas cores e as formas, así que anímate a experimentar!
Proba diferentes materiais como lapis, rotuladores, acuarelas ou incluso colaxe.
Engade texturas para facer o teu cómic máis orixinal, podes pegar papel ou crear efectos coas cores.
Asegúrate de que os debuxos e os textos sexan claros e fáciles de entender.
Destaca a importancia da súa obra
Lembra resaltar por que Georgia O'Keeffe foi unha figura destacada na arte.
Podes mostrar as súas pinturas máis coñecidas ou explicar como innovou coas súas cores brillantes e formas inspiradas na natureza.
Lembra e completa
Lea o parágrafo seguinte e escribe as palabras que faltan.
Opción B: Crea os teus propios debuxos
Investiga sobre Georgia O'Keeffe
Antes de comezar, busca información sobre quen foi Georgia O'Keeffe.
Descobre datos interesantes sobre a súa vida, as súas obras e por que é unha artista tan importante.
Podes buscar libros, vídeos ou páxinas web que che axuden a entender mellor o seu mundo.
Planifica o teu cómic
Descarga o modelo con viñetas e texto e pensa no mellor xeito de ilustrala. Consulta co profesorado o xeito de cubrilo.
Podes descargar aquí o modelo con viñetas en formato PDF (abre en nova xanela) e en ODP.
Recorda organizar o espazo gráfico de acordo cos textos que ten o modelo.
Debuxa e experimenta
Georgia O'Keeffe era unha artista que xogaba coas cores e as formas, así que anímate a experimentar!
Proba diferentes materiais como lapis, rotuladores, acuarelas ou incluso colaxe.
Engade texturas para facer o teu cómic máis orixinal, podes pegar papel ou crear efectos coas cores.
Asegúrate de que os debuxos se corresponden cos textos da viñeta.
Lembra e completa
Lea o parágrafo seguinte e escribe as palabras que faltan.
Opción C: Crea os teus propios debuxos e texto
Investiga sobre Georgia O'Keeffe
Antes de comezar, busca información sobre quen foi Georgia O'Keeffe.
Descobre datos interesantes sobre a súa vida, as súas obras e por que é unha artista tan importante.
Podes buscar libros, vídeos ou páxinas web que che axuden a entender mellor o seu mundo.
Planifica o teu cómic
Descarga o modelo coa distribución das viñetas. Consulta co profesorado o xeito de cubrila.
Podes descargar aquí o modelo con viñetas en formato PDF (abre en nova xanela) e en ODP.
Pensa na historia que queres contar sobre Georgia O'Keeffe. Podes falar da súa infancia, como comezou a pintar, ou o impacto das súas obras no mundo da arte.
Inclúe a Georgia como protagonista e outros personaxes que foron importantes na súa vida.
Distribúe a historia que queres contar nas viñetas do modelo.
Pensa ben nos textos e nos debuxos.
Non esquezas revisar a ortografía.
Debuxa e experimenta
Georgia O'Keeffe era unha artista que xogaba coas cores e as formas, así que anímate a experimentar!
Proba diferentes materiais como lapis, rotuladores, acuarelas ou incluso colaxe.
Engade texturas para facer o teu cómic máis orixinal, podes pegar papel ou crear efectos coas cores.
Asegúrate de que os debuxos e os textos sexan claros e fáciles de entender.
Destaca a importancia da súa obra
Lembra resaltar por que Georgia O'Keeffe foi unha figura destacada na arte.
Podes mostrar as súas pinturas máis coñecidas ou explicar como innovou coas súas cores brillantes e formas inspiradas na natureza.
Lembra e completa
Lea o parágrafo seguinte e escribe as palabras que faltan.
Diario de aprendizaxe
Nesta fase achegámonos á artista das flores enormes, que ben seguro xa sabedes quen é.
Nesta parte veremos que fai falta para poder seguir avanzando e pouco a pouco acadar cada unha das fases deste reto.
Vexamos que lembras do que vimos e para iso paramos a reflexionar. Tes que cubrir a parte correspondente á fase 3 do diario de aprendizaxe.
Utiliza o documento que xa terás gardado da fase anterior.
Lembra que é un traballo tanto individual como en equipo.
Lectura facilitada
Nesta fase achegámonos a Georgia O'Keeffe.
Observa o que necesitas para avanzar.
Pouco a pouco acada cada unha das fases deste reto.
Lembra e reflexiona.
Cubre a parte correspondente á fase 3 do diario de aprendizaxe.
Utiliza o documento que xa terás gardado da fase anterior.
É un traballo tanto individual como en equipo.
Licenciado baixo a Licenza Creative Commons Atribución Non-comercial Compartir igual 4.0