Ao longo desta viaxe ao pasado, tivestes oportunidade de explorar e coñecer un pouco mellor unha etapa histórica verdadeiramente interesante: a Baixa Idade Media. Os textos lidos, as actividades prácticas realizadas, as investigacións levadas a cabo a bo seguro que vos permitiron coñecer considerablemente mellor unha época tida por escura, pouco coñecida. A Baixa Idade Media foi frecuentemente subestimada non por falta de importancia, senón pola existencia de prexuízos históricos e culturais que a relevaron a un segundo plano. Considerada como unha época escura foi frecuentemente vista como un período de estancamento entre a Idade Media e a Idade Moderna, malia ser un período de profundas transformacións. Porén, os actuais avances na investigación están a iluminar este período e demostrando que a Baixa Idade Media foi unha fase de grande importancia, unha fase rica en cambios sociais, económicos, políticos, relixiosos, culturais... que definiron en boa medida o rumbo da historia.

A modo de conclusión, o desenvolvemento deste proxecto permitiuvos acadar unha base sólida de coñecementos sobre a Baixa Idade Media, concretamente sobre as diferentes crises acontecidas (económica, social, relixiosa, política...), as consecuencias das mesmas (relixiosas, sociais, económicas, políticas, as Guerras Irmandiñas...) e comprender que o mundo, que a sociedade europea, se encamiñaba cara a unha nova etapa histórica, cara á a Idade Moderna. Así mesmo, todo o traballo desenvolvido tamén vos permitiu achegarvos ao mundo da investigación histórica: buscar fontes, seleccionar, resumir... e dar a coñecer os vosos resultados.

Para vela máis grande, pica enriba da imaxe.