Comunicar en código: O concepto de token e as unidades léxicas.

Imaxina que estás lendo un libro e cada palabra que atopas é como unha peza dun puzzle. O teu cerebro, como un hábil detective, vai encaixando estas pezas para comprender a historia que o autor quere contar. Cada unha das pezas que identifica non deixan de ser unha unidade lingüistica que rapidamente conectamos con outras unidades e coa imaxe xeral do puzzle ata obter a figura completa.

Investigar o sentido

O noso cerebro e unha IA funcionan de maneiras similares cando procesan a linguaxe. No caso dese libro do que estamos a falar o teu cerebro está a facer moitas cousas ao mesmo tempo: está a identificar as palabras, a comprender o seu significado, a relacionar esas palabras con outras que xa coñeces e a interpretar o contexto das frases. Todo isto ocorre en segundos, case sen te decatares. O mesmo ocorre cun ordenador ou unha intelixencia artificial (IA) cando procesa un texto, pero ten que seguir pasos moi precisos para facelo.

Agora, imos entrar no proceso específico de como un ordenador (ou unha IA) e unha persoa analizan a linguaxe, e veremos como isto se relaciona coa morfoloxía e o Procesamento da Linguaxe Natural (PNL). O primeiro paso é didivir o discurso en pezas máis pequenas. Nunha IA este proceso denomínase separar en tokens o tokenización.

¿Que é un token?

Un token é a unidade básica que compoñen un texto. Pode ser unha palabra, un símbolo de puntuación ou incluso un espazo en branco. Cando analizamos un texto, o primeiro paso é dividilo en tokens para poder comezar a descifrar o seu significado.

Para que serve a tokenización?

A tokenización é o proceso de dividir un texto en tokens. Esta técnica é fundamental en diversas áreas do Procesamento da Linguaxe Natural (PLN), como a tradución automática, a recuperación de información ou a análise de sentimentos.

¿En que se diferencia un token dun lexema, un morfema ou unha clase de palabra?

Para comprender mellor o concepto de token, é importante comparalo con outros termos clave na análise da linguaxe:

• Lexema: O lexema é a raíz ou parte central dunha palabra que contén o seu significado básico. Por exemplo, na palabra "camiño", o lexema sería "camiñ".

• Morfema: Un morfema é a unidade mínima con significado que pode compoñer unha palabra. Os morfemas poden ser lexemas (raíz) ou afixos (prefixos e sufixos). Por exemplo, na palabra "camiñando", o lexema é "camiñ" e o sufixo "-ando" é un morfema que indica acción.

• Clase de palabra: A clase de palabra indica a función gramatical que desempeña unha palabra dentro dunha oración. As clases de palabra máis comúns son substantivos, verbos, adxectivos, adverbios, preposicións, conxunccións e artigos. Por exemplo, na oración "O neno camiña polo parque", "neno" é un substantivo, "camiña" é un verbo, "polo" é unha preposición e "parque" é un substantivo.

Diferenzas clave entre token, lexema, morfema e clase de palabra:

Semellanzas entre token, lexema, morfema e clase de palabra:

• Todos son conceptos importantes para o estudo da linguaxe.
• A análise de tokens é o primeiro paso para a análise morfolóxica e sintáctica dun texto.
• Os lexemas e morfemas son as unidades básicas que compoñen as palabras.
• A clase de palabra determina a función gramatical que desempeña unha palabra dentro dunha oración.