Presentación

No mundo actual as Intelixencias Artificiais parecen comprender o que lles dicimos e mesmo respondernos con sentido.

Intelixencia artificial tratando de comprender a vida cotiá — Xenerada por IA (CC BY-SA)

Con todo, realmente entenden a nosa linguaxe? Como transforman as nosas palabras en respostas?

Neste primeiro bloque, analizaremos que entendemos por IA e estudaremos algunhas ideas fundamentais para clarificar o fenómeno.

Círculo de ideas: Que sabes ou escoitaches sobre a intelixencia artificial e como interactúa co linguaxe?

Duración:: 10
Agrupamento:: Grupos (3-4 persoas)

Organización:

Os estudantes organízanse en grupos pequenos (3-4 persoas) e cada grupo forma un círculo. Un dos seus membros actúa como anotador.
A pregunta inicial aparece no encerado ou proxectada nunha pantalla: Que sabes ou escoitaches sobre a intelixencia artificial e como interactúa co linguaxe?
Cada estudante ten 1 minuto para compartir unha idea mentres os demais escoitan atentamente.
O anotador rexistra as respostas clave nunha folla compartida.

Despois de completar o pequeno círculo, cada grupo selecciona as tres ideas máis interesantes. Estas ideas pódense presentar brevemente ao resto da clase nunha ronda en círculo grande.

Participar activamente na actividade de debate. Agradecede a información achegada xa que permite iniciar a vosa exploración.

Tomade nota de se cada estudante tivo a oportunidade de expresarse e escoitar as ideas dos seus compañeiros.

Revisade tamén se:

- Existiu un ambiente de confianza e colaboración, onde todos puideron participar.
- O límite de tempo para falar incentivou que as respostas fosen ao principal e se se amosou capacidade de síntese.
- A selección das tres ideas máis interesantes axudou a sintetizar e priorizar a información.

Continuade fomentando o intercambio de ideas e asegurádevos de que o clima sexa cómodo e agradable para que todo o mundo comparta o seu punto de vista e poida intercambiar o que sabe.

Excelente traballo!