Uso básico de Libre Office Writer
Se estás a empregar un equipo con maqueta Abalar, o procesador de textos Writer da suite Libre Office xa está instalado e preparado para o seu uso. Neste caso, unicamente tes que ir ao botón "Aplicacións" e abrir o programa na sección "Ofimática".
De estar empregando un equipo que non conta coa ferramenta Writer instalada, podes descargala neste enlace. Escolle a versión máis actualizada, o paquete de idioma que máis che conveña e o sistema operativo do teu ordenador. Procede á descarga e sigue as indicacións que van aparecendo nas sucesivas xanelas.
Abrir un ficheiro
Polo xeral, nada máis abrir o programa xa nos aparece un documento en branco, pero se queremos crear outro seguimos esta ruta:
Ficheiro>>Novo>>Documento de texto
Gardar un documento
Para non perder nada do que vaiamos facendo, debemos gardar o ficheiro seguindo estes pasos:
Ficheiro>>Gardar como...
Na ventá emerxente que nos aparece seleccionamos o cartafol no cal queremos gardar o noso documento. No cadro "Nome do ficheiro" tecleamos o título que queremos poñerlle. Finalmente picamos no botón "Gardar".
Tipo de letra
Seleccionamos o tipo de letra que queremos empregar:
Formato>>Caracter
Aparece unha xanela emerxente cun listado de tipos de letra. Ao ir picando no nome de cada tipo podemos ver un exemplo na mesma xanela. Escollemos o que máis se adapte ás nosas preferencias e prememos no botón "Aceptar".
Título
Tecleamos o título do texto.
Colocámonos co rato sobre a cuadrícula de escritura e tecleamos o nome do traballo.
Seleccionamos co rato o texto escrito. Podemos editalo empregando ferramentas como a Grosa, Cursiva e incluso cambiando o seu tamaño. Estas ferramentas e outras moitas atopámolas no menú Formato>>Texto.
Podemos experimentar con outras ferramentas de edición seguindo a ruta Formato>>Parágrafo..., ao activala, aparece unha ventá emerxente con múltiples opcións para aplicar.
Corpo
Redactamos o traballo.
Para conseguir unha presentación de maior calidade podemos experimentar coas ferramentas de edición de texto xa citadas ou incluso experimentar con outras que Writer nos ofrece. Se o precisas podes consultar online guías de uso desta ferramenta, como por exemplo esta.
Gardar
Cada certo tempo gardamos os avances realizados (Ficheiro>>Gardar) e realizamos esta acción sempre antes de pechar o documento.
Neste videotitorial explícanse as funcións máis básicas de uso do programa Writer:
Lectura facilitada
- Se estás a empregar un equipo con maqueta Abalar tes que ir ao botón "Aplicacións" e abrir o programa na sección "Ofimática".
- De estar empregando un equipo que non conta coa ferramenta Writer instalada, podes descargala no enlace.
Segue os pasos que che indican e mira o videotitorial onde se explican as funcións máis básicas de uso do programa Writer: