Definición:

Unha cabasa é un instrumento de percusión que precisa ser axitado para facelo soar.

Nas súas orixes realizábanse con cabazas, de aí sae o seu nome.

Hoxe en día están construídas cunha estrutura de madeira e bolas metálicas.

Exemplo:

A cabasa é un instrumento de percusión de orixe africana.

Definición:

As castañolas pertencen ao grupo de instrumentos de percusión (idiófono) de madeira. Compóñense de dúas pezas de madeira unidas que se entrechocan.

Este instrumento é moi antigo. Cos anos foise incorporando aos instrumentos típicos de moitas culturas do mundo como España, que a día de hoxe, é un dos países que as conserva como instrumento nacional.

Exemplo:

As castañolas frecuentemente acompañan aos bailes tradicionais.

Definición:

Nome que se emprega para clasificar aos instrumentos que producen o son pola vibración do seu propio corpo. Algúns exemplos son as claves ou o triángulo.

Exemplo:

Os idiofónos xunto cos membranófonos forman a familia de percusión.

Definición:

Instrumento de percusión (idiófono) formado por dúas tabliñas de madeira que se tocan cunha soa man separadas polo dedo corazón e que se axitan para facelas soar chocando unha contra a outra.

Este instrumento é típico na música tradicional galega.

Exemplo:

O son das tarrañolas é diferente segundo a dureza da madeira das que estean feitas.