3. Cantamos coa gaiteira de Lindín

 

Ocultar

Glosario

Glosario

Baixo
Solomon Howard
Definición:

Rexistro vocal máis grave interpretado por homes.
Ten un ton profundo e frecuentemente asóciase con personaxes poderosas, misteriosas ou autoritarias.

Exemplo:

Un baixo famoso é Solomon Howard, quen podes ver e escoitar interpretando este magnífico rexistro vocal na aria "O gran inquisidor" de ópera Don Carlos de W. A. Mozart. Premendo nesta ligazón, podes gozar da súa interpretación.

Contralto
Cecilia Bartoli

Definición:

Rexistro vocal máis baixo que o de soprano, propio de mulleres.
Ten un ton máis profundo e frecuentemente asóciase con personaxes maternas ou sabias.

Exemplo:

Unha contralto famosa é Cecilia Bartoli, quen podes ver e escoitar a Cecilia Bartoli cantando "Voi ché sapete" da ópera As vodas de Fígaro de Mozart nesta ligazón.

Coro
Coro Definición:
Un grupo de persoas que cantan xuntas combinando as súas voces para crear harmonías fermosas.
Exemplo:
O coro da escola actuará no festiva de Nadal.

Rexistro vocal
Rango vocal
Definición:
Rango de tons que unha voz pode alcanzar.Cada tipo vocal (soprano, contralto, tenor, baixo) ten o seu propio rexistro específico.
Os rexistros vocais se clasifican en: grave, medio e agudo.
Exemplo:
Calquera persoa con voz aguda podería alcanzar os tons máis agudos da escala.

Soprano

María CallasDefinición:

Rexistro vocal feminino máis agudo.

É a voz máis alta na música e frecuentemente representa personaxes femininos.

Exemplo:

Unha soprano famosa foi María Callas.

Tenor
Luciano Pavarotti
Definición:

Rexistro vocal masculino más agudo.
Frecuentemente representa heroes románticos ou protagonistas masculinos na música.

Exemplo:

Un tenor famoso foi Luciano Pavarotti.
Podes escoitar a Luciano Pavarotti na ópera Rigoletto de Giusepe Verdi, interpretando a aria "La Donna è Mobile" nesta ligazón.

Voz
Definición:

A voz é o son que produce o corpo humano ao vibrar as cordas vocais.

Exemplo:

A voz do cantante encheu o auditorio coa súa bonita canción.

A gaiteira de Lindín (letra)

Ocultar

A gaiteira de Lindín

Foi a mestra Andrea a que propuxo cantar a coro unha canción coa melodía que estaba a tocar Tareixiña, así que se puxeron a pensar na letra, aprendérona e comezaron a cantar todas e todos xuntos colocados arredor da igrexa.

A gaiteira de Lindín

Imos cantar esta melodía,
pra xuntar ben as avelaíñas.

Imos andar cara a Folgueirosa.
Canta xunto a min coa gaiteira de Lindín.

Toca a gaita TAREI-XÁ,
as avelaíñas cara aquí acudirán.

Toca a gaita sen parar,
Para a Folgueirosa,
estes bechos marcharán.

A gaiteira de Lindín (vídeo)

Ocultar

Agora imos aprender a cantar a canción A gaiteira de Lindín. Neste vídeo poderás seguir a letra e a partitura a modo de karaoke.

Cando xa saibades cantala ben, poderedes interpretala en coro.

Despois podedes crear dous grupos:

  • Un deles tocará a melodía coa frauta.
  • O outro grupo cantará a canción.
  • Ademais, podedes facela máis interesante aínda se a acompañades cos instrumentos de refugallo que construístes na clase.

<https://www.youtube.com/embed/ekgGDKVJE_k>

Lectura facilitada

Pechar (Lectura facilitada)

Imos aprender a cantar a canción A gaiteira de Lindín.

Primeiro a practicaremos seguindo a letra e a partitura no vídeo.

Despois poderedes interpretala en coro creando dous grupos:

  • Un deles tocará a melodía coa frauta.
  • O outro grupo cantará a canción.

Tamén poderedes acompañala cos instrumentos de refugallo que construístes na clase.