.png "Cartel")
Definición:
Folla de maior tamaño ca un folio, na que se imprime un anuncio e que se coloca nun lugar público para captar a maior atención posible.
Exemplo:
O club de baloncesto colocou un cartel na praza do concello para que os nenos e nenas se animen a formar parte dos seus equipos.
Agora que se practicaron os posibles xogos cos que dinamizaredes os vosos recreos, hai que dar un paso adiante.
Queredes que os nenos e nenas xoguen ao que ides propoñer, verdade? Pois hai que motivalos!
Farase un reparto dos xogos que se seleccionaron e prepararedes un cartel para cada un deles. Recordade que é importante que aos nenos e nenas lles chame á atención. Pode haber alumnado que teña dúbidas de se participar ou non, polo que o cartel pode animalos a probar o xogo e que finalmente participen. A maiores, os carteis deben ser fáciles de comprender.
Pero antes disto, sabedes o que é un cartel?
Agora que se practicaron os posibles xogos cos que dinamizaredes os vosos recreos, hai que dar un paso adiante.
Queredes que os nenos e nenas xoguen ao que ides propoñer, verdade?
Pois hai que motivalos!
Farase un reparto dos xogos que se seleccionaron.
Prepararedes un cartel para cada un deles.
Recordade que é importante que aos nenos e nenas lles chame á atención.
Pode haber alumnado que teña dúbidas de se participar ou non, polo que o cartel pode animalos a probar o xogo e que finalmente participen.
A maiores, os carteis deben ser fáciles de comprender.
Pero antes disto, sabedes o que é un cartel?
<https://www.edu.xunta.gal/centros/creagal/pluginfile.php/6577/mod_folder/content/0/AUD_EDF_5PRI_REA01_3.3.OSCARTEIS.wav?forcedownload=1>
Un cartel é unha lámina de papel, cartón ou outro material que se imprime con frases, imaxes, debuxos, etc., para difundir e amosar mensaxes informativas sobre distintas temáticas ao resto de persoas.
| Tipos de carteis |
- Publicitarios: comunícase unha mensaxe coa finalidade de dar a coñecer unha marca, un produto, un servizo, promover un evento, unha celebración, etc. A súa fin é convencer ao público de mercar algo. - Informativos: proporciónase información clara e concreta sobre un tema determinado. A súa fin é informar. |
| Partes dun cartel |
- Título ou frase principal. Debe ser curto e concreto, con letras grandes e rechamantes. - Imaxe ou ilustración significativa e relacionada co tema. - Algunha frase curta que explica a funcionalidade do cartel. No caso que nos ocupa, pode ser unha moi breve e concreta descrición do xogo. - Pode conter un slogan ou frase curta fácil de recordar. Lema orixinal ou impactante que adoita empregarse nos publicitarios. |
|
Características |
|
Tendo claro isto, usade a imaxinación e as vosas dotes creativas para deseñar os carteis de cada xogo.
Licenciado baixo a Licenza Creative Commons Atribución Non-comercial Compartir igual 4.0