Avaliación do nivel da nosa propia velocidade
10 x 5 METROS (IDA E VOLTA) Con esta proba mediremos a nosa velocidade de desprazamento nunha superficie plana marcada por dous puntos paralelos separados por cinco metros entre eles. Ao escoitar o sinal de saída, teremos que esprintar á máxima velocidade para cruzar cos dous pés as marcas trazadas que cruzaremos cinco veces, ata que no último movemento crucemos a liña de saída, en que pararemos o cronómetro. |
|
Velocidade 30 metros partindo de parado O obxectivo desta proba é medir a velocidade de reacción e aceleración nunha distancia de trinta metros nunha superficie plana que debemos percorrer á maior velocidade despois de reaccionar ao sinal de saída. A proba mide o tempo en segundos e décimas de segundo. |
|
Proba da velocidade xestual Nesta proba medimos a velocidade xestual ou segmentaria dun membro do tren superior (brazo dominante), para o cal nos colocamos diante dunha mesa cos pés lixeiramente separados, coa man non dominante no centro e a outra man nun dos círculos marcados. Cando sintamos o sinal de inicio, debemos tocar alternativamente os dous círculos un total de 25 veces cada un coa man dominante. A proba remata no contacto número cincuenta no que para o cronómetro. Podemos realizar dous intentos rexistrando o mellor tempo(o máis baixo). |
|