A herdanza e a xenética determinan en grande medida a constitución do corpo. A existencia dunha alta proporción de fibras brancas de contracción rápida nos músculos dunha persoa, ou a relación lonxitudinal entre o tronco e a perna doutra, son  determinantes para diferencialas e para afirmar que a velocidade tamén depende das nosas propias características biolóxicas.

A IDADE.

Tras pasar a puberdade hai un aumento da velocidade como consecuencia do desenvolvemento anatómico (alongamento e aumento dos ósos e dos músculos) e da considerable mellora da coordinación. Aos 16 anos conquírese case a máxima frecuencia xestual, de xeito que os tempos de reacción son practicamente iguais aos dos adultos(considerados a partir dos 20 anos).