É a capacidade de percorrer unha distancia no menor tempo posible. Está condicionada pola propia velocidade de contracción dos músculos durante o xesto ou movemento.
Dentro deste tipo de velocidade atopamos a seguinte clasificación:
Velocidade de aceleración ou capacidade de conquerir a velocidade máxima no menor tempo posible, e determinada polo tempo dende que empezamos a actividade ou exercicio ata acadar a máxima velocidade.
Velocidade máxima ou capacidade que permite desprazarse, nun espazo determinado no menor tempo con medios propios e sen axudas exteriores, acadando o nivel máis alto posible.
Velocidade de resistencia ou tempo no que unha persoa é capaz de manter un nivel de velocidade determinado.
Velocidade de deceleración ou capacidade de deterse ou aminorar a velocidade no menor tempo posible.
IDENTIFICA OS TIPOS DE VELOCIDADE
Clasifica cada unhas das seguintes modalidades deportivas ou actividades físicas como exemplos de velocidade de reacción, xestual ou de desprazamento.
Correr os 60 metros lisos, a marathón, percorrer o Camiño de Santiago ou descender polo río Sella en canoa son actividades que corresponden á velocidade de desprazamento, pois o obxectivo é percorrer unha distancia nun tempo deteminado.
O lanzamento de tiros libres en baloncesto ou de peso en atletismo dende a posición estática son actividades que aplican a velocidade xestual segmentaria, neste caso do tren superior (brazos).
O salto de altura e lonxitude en atletismo empregan a velocidade xestual global xa que case todos os grupos musculares do corpo están implicados nos movementos técnicos do salto.
O xogar a "pedra, papel, tesoiras" ou a saída de tacos nunha carreira de atletismo implica unha velocidade de reacción, xa que o inicio do movemento depende da activación da resposta a un estímulo (visual,sonoro ou táctil)