"TEST DE COURSE-NAVETTE"(20 METROS IDA E VOLTA) MIDE A POTENCIA AERÓBICA.

Instrucións xerais:

1.- A velocidade de carreira será regulada por medio dun reprodutor de audio emitindo sinais sonoros a intervalos regulares.

2.- A cada sinal sonoro os suxeitos deben pisar sobre a liña de 20 metros e volver partir en sentido oposto.

3.- As voltas abertas non están permitidas, polo que unha precisión de aproximadamente 1 ou 2 metros ao comezo é suficiente para axustar a velocidade (conséguese doadamente despois de dous ou tres percorridos de ida e volta).

4.-O test empeza cunha carreira lenta e a velocidade aumentará progresivamente.

5.-O aumento da velocidade será de medio quilómetro á hora para cada minuto.

6.-O obxectivo estará centrado en que o suxeito siga o ritmo imposto o maior tempo posible.

7.-O test remata no momento en que non se segue o ritmo imposto, nese momento o suxeito deberá deterse e lembrar o último número do período anunciado.

8.-A duración do test é distinta segundo o suxeito, canto mellor é a súa forma física maior é a duración do mesmo.

9.-Consiste nun test máximo e progresivo é dicir, sinxelo ao principio e difícil cara ao final.

10.No período estándar dun minuto debería verificarse a fiabilidade do mesmo no reprodutor cun cronómetro que posúa unha precisión dunha décima de segundo.

Ullesportiu, "Test Course Navette. Periodos de 1 minuto", en YouTube   CC-BY-SA

O "TEST OU PROBA DE COOPER" AVALIA A CAPACIDADE AERÓBICA.

Deseñado polo douto americano Kenneth H. Cooper, permite avaliar a resistencia en diferentes grupos de idade, tanto en homes como en mulleres. Consiste en percorrer a maior distancia posible durante 12 minutos, coa intensidade que cada un poida aplicar no percorrido durante a carreira. Nas táboas de idade e sexo compróbase o resultado.

Eckhard Pecher ( Arcimboldo ), "Osaka07_D6A_M5000M_Heat2-2.jpg" na Wikimedia Commons CC BY 2.5