Repasamos o aprendido

1. Das seguintes substancias: a auga, o osíxeno, o amidón, o ADN, a glicosa, as graxas, o dióxido de carbono e os sales minerais:
a) Indica cales son inorgánicas e cales son orgánicas.

b) Cales son ricas en enerxía? Como o poderías comprobar?

a) Indica cales son inorgánicas e cales son orgánicas.
A auga, o osíxeno, o dióxido de carbono e os sales minerais son inorgánicas. O amidón, o ADN e a glicosa son orgánicas.
b) Cales son ricas en enerxía? Como o poderías comprobar?
As substancias orgánicas son ricas en enerxía. Porque arden e a súa enerxía se libera en forma de calor e de luz.

2. Indica o tipo de nutrición, autótrofa ou heterótrofa, que presentan os seguintes organismos: un can, unha roseira, un musgo, un paramecio e un champiñón.

Nutrición autótrofa: roseira e musgo.
Nutrición heterótrofa: can, paramecio e champiñón.

3. Decide se os organismos seguintes son de nutrición autótrofa ou heterótrofa se ao estudar a súa nutrición se observa que:
a) Non necesitan da materia producida por outros seres vivos.
b) Sobreviven alimentándose da auga, o aire e o solo.
c) Non sobreviven na escuridade.
d) Necesitan auga para poder vivir.

Autótrofos. Aínda que a condición d) a cumpren tanto autótrofos como heterótrofos.

4. Responde utilizando o que acabas de estudar:

Cales son as funcións dos glícidos?

Cales son as funcións dos lípidos?

Cales son as funcións das proteínas?

Que función teñen os ácidos nucleicos dentro dos seres vivos?

Os glícidos son unha fonte de enerxía para as células, compoñentes estruturais e serven como almacén de reserva enerxética.

Os lípidos son almacéns de reserva enerxética, forman as membranas celulares e algunhas funcionan como hormonas.

As proteínas teñen funcións estruturais, transportadoras, reguladoras, contráctiles, de defensa inmunolóxica e biocatalizadoras ou encimáticas.

Os ácidos nucleicos son os portadores da información xenética, é dicir, as instrucións para o desenvolvemento e o funcionamento das células.

5. Que diferencia as biomoléculas inorgánicas das orgánicas?

As biomoléculas inorgánicas son substancias que se encontran tanto na materia viva como non viva, mentres que as biomoléculas orgánicas se encontran só nos seres vivos.

6. Define no teu caderno átomo, molécula e biomolécula.

Átomo: unidade moi pequena que forma a materia.

Molécula: compostos complexos que están formados por átomos que se unen entre si mediante enlaces químicos.

Biomolécula: son as moléculas dos seres vivos.

7. Que substancias son comúns a materia viva e á non viva? Cales son exclusivas da materia viva?

Aquelas substancias inorgánicas, como a auga e os sales minerais. A materia viva está composta por substancias orgánicas, como as proteínas, os lípidos...

BY-NC-SA