Como xa vimos nun tema anterior, a materia do universo está formada por unhas unidades moi pequenas chamadas átomos. Á súa vez, os átomos únense entre si mediante forzas moi intensas (enlaces químicos), formando compostos máis complexos denominados moléculas, coma por exemplo a molécula de auga que xa vimos anteriormente, formada por dous átomos de hidróxeno (H2) e un de osíxeno (O).
Nos seres vivos, estas moléculas denomínanse biomoléculas (bio significa vida) e son de dous tipos, inorgánicas e orgánicas:
- Biomoléculas inorgánicas; son a auga e os minerais. Estas substan-cias encóntranse tamén na materia non viva.
- Biomoléculas orgánicas; son os hidratos de carbono, os lípidos, as proteínas e os ácidos nucleicos (como o ácido desoxirribonucleico ou ADN). Este tipo de biomoléculas encóntranse só nos seres vivos.