Escala

A escala é a relación existente entre as dimensións reais do terreo representado e as do mapa que o representa.

A escala ven representada nos mapas en forma de fracción, de tal xeito que o numerador corresponde ás medidas do plano, e o denominador ás medidas reais.

Así unha escala 1: 10.000, significa que 1 cm. no papel corresponde a 10.000 cm. na realidade.

                Exemplos:

• • • Escala 1:10.000_ 1 cm.=10.000 cm.=100 m._ 1 cm.=100 m.
    • Escala 1:4.000_ 1 cm.=4.000 cm.=40 m._ 1 cm.=40m.

Dise que un plano ten maior escala (máis detalle) que outro, cando o seu denominador é menor que o do anterior e viceversa.

Os mapas de pequena escala teñen a vantaxe de representar grandes superficies de terreo, aínda que carecen de detalle. Pola contra, unha maior escala ten ao seu favor a precisión e o detalle da superficie representada, pero esta é obviamente unha porción moi pequena. Digamos que cada escala cumpre o seu papel e que cada mapa está destinado a un uso determinado.