Directrices

A actividade proposta é un xogo de orientación deportiva, nunha vila tan espectacular e con tanto por coñecer como é Noia. Teredes que movervos, correr, descubrir, investigar nun espazo rico en patrimonio, o casco urbano da vila de Noia.

Seguindo o visto ata o momento, determinamos que esta actividade segue as seguintes directrices:

• É unha actividade dentro da O-PÉ (orientación a pé).
• A saída e en masa.
• Á hora de atopar as balizas, é de tipo score (orde libre), tendo que atopar tódolos puntos marcados.
• Pola distancia recorrida é de tipo sprint (distancia corta).
• É unha actividade diúrna, pois realizarase durante as horas de sol.
• Realizarase en modalidade de equipos, en lugar de individual.
• Deberedes atopar puntos do patrimonio natural e/ou cultural da vila de Noia, en lugar de balizas.
• Non haberá pinza ou base SI (sportident) para ticar, deberedes dar resposta ó que se pregunta no dosier.
• As balizas, ou neste caso puntos a localizar están sempre no medio do circulo.
• Non fai falla compás, pero acordádevos de orientar sempre o mapa con respecto o que estades vendo.
• Non está debuxado no mapa nin a saída, nin a chegada, será o voso/a profesor/a quen vos estes dous puntos.

NORMAS DE SEGURIDADE:

• Circularemos polas beirarrúas. Se non as hai, farémolo pola esquerda da estrada.
• Deberedes cruzar sempre polos pasos de peóns, non facelo suporá unha penalización de -5 respostas.
• Non berredes pola rúa. A vida na vila ten que seguir o seu curso, e nos formar parte dela sen modificala, nin molestar ós/ás veciños/as.