2.2.2 Definición e propiedades

A probabilidade dun suceso indica o grao de confianza que podemos ter en que aconteza. Expresarémolo mediante un número comprendido entre 0 e 1. Para designar a probabilidade dun suceso S, poremos P[S].

• Cando a probabilidade sexa un número próximo a cero, o suceso será pouco probable.
• Sempre que a probabilidade sexa un numero próximo a un, será moi probable.

Exemplo. Lánzase 1 000 veces unha moeda e 1 000 veces unha chincheta. Resultados:

Moeda	Chincheta

f é a frecuencia absoluta e h a frecuencia relativa.

A suma das frecuencias relativas sempre é 1

Observemos que, no caso da moeda, as frecuencias relativas de cara (c) e de cruz (x), son próximas a 0,5. O valor da frecuencia relativa é moi próximo ao valor da probabilidade.

h [c]  0,5 e a h[x]  0,5

Daquela P[c] = 0,5 e P[x] = 0,5

• O suceso cara e o suceso cruz son sucesos contrarios ou complementarios.

• No caso da chincheta, as frecuencias relativas de P1 (punta cara a arriba) e P2 (cara a abaixo) son moi distintas de 0,5.

• As súas probabilidades son números descoñecidos, pero seguramente próximos as súas frecuencias relativas.

Propiedades da probabilidade:

• A suma das probabilidades dos sucesos elementais dun espazo mostral é 1

• A suma da probabilidade dun suceso e a do seu contraio é 1