7. Glosario

A

• Anticonceptivo

Método ou mecanismo que evita a fecundación ou o embarazo.

B

• Blástula

Etapa no desenvolvemento dun cigoto, posterior á mórula, constituída por un conxunto de células dispostas como unha esfera oca cunha cavidade interior ou blastocele.

C

• Ciclo menstrual

Parte do ciclo reprodutivo feminino consistente en cambios na parede do útero que finalizan coa menstruación.

• Ciclo ovárico

Parte do ciclo reprodutivo feminino consistente en cambios no ovario que finalizan coa liberación dun óvulo.

• Cigoto

Ou célula ovo, resultante da fecundación dun óvulo (gameto feminino) por un espermatozoide (gameto masculino).

E

• Endolinfa

Líquido que enche o labirinto membranoso do oído interno.

• Esquelético (sistema)

O formado polo esqueleto, ou conxunto de ósos, e polas articulacións.

• Esterilidade

Incapacidade dun individuo para producir descendencia.

• Estímulo

Cambio ambiental (externo ou interno) que ao ser detectado por un organismo orixina unha resposta deste.

F

• Fisiolóxico

Relativo ao funcionamento dos sistemas, órganos e tecidos dos seres vivos.

• Folículo

Cada unha das cavidades dun ovario que contén un óvulo inmaturo.

G

• Gónada

Glándula sexual que produce os gametos e segrega hormonas. As gónadas femininas son os ovarios e as gónadas masculinas os testículos.

M

• Mórula

Etapa no desenvolvemento dun cigoto constituída por un conxunto de células dispostas como unha esfera compacta.

• Muscular (sistema)

O formado polos músculos e os tendóns.

N

• Nervio

Feixe de fibras nerviosas (cada unha é, á súa vez, un conxunto de axóns neuronais).

P

• Perilinfa

Líquido que enche o labirinto óseo do oído interno.

• Puberdade

Na especie humana, etapa en que maduran os órganos sexuais.

R

• Reflexo (acto)

Resposta rápida e automática (non voluntaria) ante un estímulo.

S

• Substancia branca

Materia parte do encéfalo e da medula espiñal constituída por prolongacións das neuronas

• Substancia gris

Materia parte do encéfalo e da medula espiñal constituída polos corpos das neuronas.

X

• Xestación

Desenvolvemento do feto ou embrión no útero da nai.