7 - Glosario

A

• Anexar

Xuntar ou engadir a outra cousa que se considera como principal.

• Aplicación informática

Tipo de programa informático, deseñado como unha ferramenta, que permite ao usuario realizar unha ou varias tarefas.

B

• Baixar

En informática, é un termo que se emprega para indicar a descarga de ficheiros, programas ou aplicacións dos servidores nos que se atopan en internet.

C

• Cartafol

En informática, é o lugar virtual en que se gardan ficheiros para unha mellor clasificación.

• Conexión

Contacto entre dúas partes dun sistema. En informática, medio polo que se establece comunicación entre dous equipos informáticos.

• Configurar

Dar forma a algo. En informática, establecer as características dunha aplicación ou dun equipamento informático.

• Copiar

En informática, función de edición que permite gardar nunha memoria temporal un obxecto, ou parte del, con posibilidade de ser pegado posteriormente noutro lugar.

F

• Favoritos

En internet, páxinas web nas que se entra a cotío.

• Ficheiro

En informática, lugar virtual no que se garda información (texto, imaxe, etc.).

H

• Hipertexto

Texto empregado en soporte informático que permite o acceso secuencial a distintos documentos que están relacionados entre si. Pásase duns documentos a outros por medio de ligazóns.

I

• Icona

Símbolo que identifica un elemento informático: ficheiro, cartafol, aplicación, ...

L

• Ligazón

Referencia que permite pasar dun documento a outro nun hipertexto. Tamén se chama hiperligazón.

P

• Pegar

En informática, inserir un obxecto previamente copiado (texto, imaxe, ...) dentro doutro.

• Potencia

Producto de dous ou máis números iguais

• Provedor

Aquel que proporciona algo.

S

• Servidor

En informática, equipamento informático que forma parte dunha rede e que proporciona servizos a outros equipamentos denominados clientes

T

• Transmisión

Envío de algo (neste caso datos) dun punto a outro dunha rede informática.

X

• Xuntar

Asociar a algo que se considera principal. Referido á informática, engadir a un correo electrónico un ficheiro de texto, unha imaxe, etc.