2.4 Procesador de textos

O procesador Microsoft Word

Neste punto trataremos de iniciar o xeito de traballar cun procesador de textos, e de intercambiar e publicar información a través de ficheiros e da rede. O procesador de textos é un programa informático que permite crear diferentes tipos de documentos, como cartas, informes, probas, etc., onde se poden incluír táboas e debuxos, para despois imprimilos ou gardalos en soportes informáticos, e tamén enviarllos a outra persoas a través de internet.

Veremos aquí o procesador Microsoft Word, que vén integrado dentro do paquete de aplicacións Microsoft Office. Hai no mercado outros procesadores, aínda que coñecer o manexo dun pode simplificar o paso a outro procesador.

O primeiro paso e executar Word, para o que utilizaremos “Inicio” >”Programas” > “Microsoft Word”, ou ben facemos dobre clic sobre a súa icona na pantalla.

Para traballarmos con documentos, acudiremos na barra de menús ao menú “Archivo”, no que podemos facer o seguinte:

Se queremos abrir un documento xa existente, debemos seleccionar o cartafol en que se atope, ou o documento que queremos abrir, e para gardalo debemos seleccionar o cartafol onde queremos colocalo e darlle o nome.

Agora xa temos unha páxina en que podemos empezar a escribir. Utilizarémola como unha páxina do caderno, pero teremos que aprender certas pautas para borrar, copiar e facer modificacións. Se escribimos e queremos facer algunha modificación debemos seleccionala previamente.

Creación de textos: selección e modificacións dos textos

Selección dun texto

Copiar, mover e borrar un texto

Menú “Edición” da barra de menús > “Cortar”,” Copiar”, “Pegar” e “Borrar”.

Desfacer e refacer modificacións

Imos ao menú “Edición”, na barra de menús. Na ilustración anterior vemos que figuran as opcións “Desfacer” e “Repetir”, para as ultimas modificacións.

Os símbolos que apareen á esquerda atoparémolos na barra de ferramentas estándar, e a súa función será a mesma.

Tipos de letra

No menú “Formato”, da barra de menús, temos a opción “Formato” > ”Fuentes”, que nos ha permitir cambiar o tipo de letra, o seu tamaño, o seu estilo, a súa cor e o subliñado, e aplicarlle diferentes efectos ao texto. Á esquerda temos unha mostra da pantalla que veremos, e as posibilidades que nos ofrece este programa.