1.2 Coñecementos previos

Para desenvolvermos estratexias de cálculo mental e mesmo traballarmos con calculadora, necesitamos dominar as operacións con enteiros e racionais, co fin de enfrontármonos con éxito a calquera estratexia. Debemos coñecer as regras das operacións con potencias, vistas con expoñente natural, anteriormente.

Para o traballo cun procesador de textos precísase coñecer o manexo do rato, do teclado e do sistema operativo, o suficiente para escribir un texto e poder arquivalo ou imprimilo.