2.2 Procura de información en Internet (aspectos teó-ricos)

Actualmente pódese buscar información desde calquera computador ou outro dispositivo móbil, por medio de internet: rede formada por múltiples computadores conectados entre si cuxa finalidade é compartir información. Esta amósase nas chamadas páxinas web e, para as localizar, debemos seguir os seguintes pasos:

a) Abrir o navegador, programa de acceso a estes documentos, que posúe unha barra de enderezo.

b) Se se coñece o enderezo da páxina á que se desexa acceder, escríbese, e se non se dispón desa información, tecléase na barra de enderezo o nome dun buscador e indícase o nome do que se quere buscar. Aparece daquela unha listaxe de todas as páxinas web nas que aparece o termo introducido. Aínda que o buscador amose moitas entradas, as máis interesantes adoitan estar ao comezo da lista. Xa ante elas, cómpre discriminar a información válida da que non o é en relación ao tema que nos interese.

Internet tamén é unha ferramenta moi útil para mellorar o noso coñecemento da lingua, pois nos permite acceder ao contido de numerosos dicionarios. Exemplos:

• [http://www.edu.xunta.es/diccionarios/index_rag.html] (Real Academia Galega).
• [http://www.rae.es] (Real Academia Española).

Para mellorar a nosa expresión escrita, debemos facer uso dos correctores ortográficos que poñen ao noso dispor todos os procesadores de textos (Word, WordPerfect, OpenOffice Writer, WordStar…).