Se ten acceso a internet, diríxase ao seguinte enderezo e vexa o vídeo onde Agustín Fernández describe que proceso segue para a elaboración dunha novela:
Cre que nun discurso, presentación ou relatorio se deben utilizar oracións ou expresións moi complexas ao igual que na escrita? Por que?
Cal cre que debe ser a intención do falante nun texto destas características?
Tema principal: Agustín Fernández Paz explícanos o proceso creativo que segue para a elaboración dunha novela.
Non, na lingua oral débense utilizar expresións, frases ou oracións curtas e sinxelas, pois o posible receptor ten menos tempo para descodificar a mensaxe que lle envía o emisor e, polo xeral, non pode volver a escoitala de novo. A lingua oral carece -normalmente- da permanencia no tempo da que goza a escrita.
Intención: Debe ser a de expresarse o máis sinxelamente posible e, ao mesmo tempo, lograr que o receptor do discurso o entenda perfectamente. Para iso, o emisor debe pronunciar correctamente, falar cun ritmo normal,e ter un ton de voz axeitado e utilizar os elementos paraverbais de forma adecuada.