Dinámica de Newton. Fluídos

Unidade didáctica 2 para o módulo 4 do ámbito científico-tecnolóxico da Educación Secundaria de Adultos, na modalidade de educación a distancia semipresencial. Elaborada en eXeLearning.
As famosas tres leis de Newton da dinámica nas que se condensa a relación entre forzas e movementos ocupan a primeira metade desta unidade didáctica, que se completa coa gran síntese do propio Newton da gravitación universal. Na segunda parte da unidade abórdase o estudo da presión exercida por unha forza, para continuar co das forzas e presións que hai no interior dos fluídos e as súas consecuencias.